27 Пилатның гаскәриләре Гайсәне идарәче сараена алып киттеләр һәм аның янына бөтен гаскәриләр төркемен җыйдылар.+ 28 Алар аның киемен салдырып, өстенә җете кызыл төстәге япанча,+ 29 ә башына чәнечкеле үсемлектән таҗ үреп кидерделәр һәм уң кулына таяк тоттырдылар. Алар аның алдына тезләнеп һәм: «Исәнме,* яһүдләр Патшасы!» — диеп, аңардан мыскыллап көлә башладылар. 30 Алар аңа төкерделәр+ һәм шул таякны алып башына сугарга тотындылар. 31 Аңардан мыскыллап көлеп туйгач, алар япанчаны салдырып, аңа үзенең өске киемнәрен кидерделәр һәм аны баганага кадакларга дип алып киттеләр.+