ИЗГЕ ЯЗМАЛАРДА НӘРСӘ ӘЙТЕЛӘ?

Кеше үлгәч, аның белән нәрсә була?

КЕШЕЛӘР НӘРСӘГӘ ЫШАНА? Кайберәүләр, кеше үлгәннән соң, башка берәр формада яши дип уйлый, башкалар исә үлемнән соң барысы да тәмамлана дип уйлый. Ә сез нәрсәгә ышанасыз?

ИЗГЕ ЯЗМАЛАРДА НӘРСӘ ӘЙТЕЛӘ?

«Үлеләр бернәрсә дә белми» (Вәгазьче 9:5). Кеше үлгәч, яшәүдән туктый.

ИЗГЕ ЯЗМАЛАРДАН ТАГЫН НӘРСӘ БЕЛЕП БУЛА?

• Беренче кеше Адәм, үлгәч, кире туфракка кайткан (Яратылыш 2:7; 3:19). Бөтен кешеләр дә үлгәч кире туфракка кайта (Вәгазьче 3:19, 20).

• Үлгән кешеләр гөнаһтан азат ителә (Римлыларга 6:7). Кеше үлгәч үз гөнаһлары өчен җәза алмый.

Үлгән кеше кабат яшәрме?

СЕЗ НИЧЕК ҖАВАП БИРЕР ИДЕГЕЗ?

• Әйе

• Юк

• Бәлки

ИЗГЕ ЯЗМАЛАРДА НӘРСӘ ӘЙТЕЛӘ?

Кешеләр «үледән тереләчәк» (Рәсүлләр 24:15).

ИЗГЕ ЯЗМАЛАРДАН ТАГЫН НӘРСӘ БЕЛЕП БУЛА?

• Изге Язмаларда үлем еш кына йокы белән чагыштырыла (Яхъя 11:11—14). Без йоклаган кешене уята алган кебек, Аллаһы да кешене үлем йокысыннан уята ала (Әюп 14:13—15).

• Изге Язмаларда терелтү турында берничә очрак язылган, һәм бу безгә терелтү булачагына ышаныр өчен нык нигез булып тора (1 Патшалар 17:17—24; Лүк 7:11—17; Яхъя 11:39—44).