Изге Язмаларда нәрсә әйтелә?

Аллаһы бар догаларга җавап бирәме?

СЕЗНЕҢЧӘ, УЛ КЕМНЕҢ ДОГАСЫНА ҖАВАП БИРӘ?

• Һәркемнеңме?

• Кайбер кешенеңме?

• Я беркемнең дә догасына җавап бирмиме?

ИЗГЕ ЯЗМАЛАРДА НӘРСӘ ӘЙТЕЛӘ?

«Йәһвә... хакыйкать буенча ялваручыларның һәммәсенә якын» (Зәбур 145:18).

ИЗГЕ ЯЗМАЛАРДАН ТАГЫН НӘРСӘ БЕЛЕП БУЛА?

• Аллаһы үзенә каршы чыккан кешеләрнең догаларын тыңламый (Ишагыя 1:15). Әмма алар үз юлларын үзгәртеп, аңа якынлаша ала (Ишагыя 1:18).

• Аллаһы догага җавап бирсен өчен, дога Изге Язмалардагы таләпләргә туры килергә тиеш (1 Яхъя 5:14).

Дога кылганда, үзебезне ничек тотарга?

КАЙБЕРӘҮЛӘРНЕҢ УЙЛАВЫНЧА, кеше һәрвакыт тезләнеп, башын иеп я кулларын бергә куеп дога кылырга тиеш. Ә сез ничек уйлыйсыз?

ИЗГЕ ЯЗМАЛАРДА НӘРСӘ ӘЙТЕЛӘ?

Аллаһы «утырып», «аягүрә басып», «йөзтүбән ятып», «тезләнеп» дога кылган кешеләрнең догаларын тыңлаган (1 Елъязма 17:16; 2 Елъязма 30:27, Изге Язма, 2015; Езра 10:1; Рәсүлләр 9:40). Ул бездән дога кылганда махсус гәүдә торышы таләп итми.

ИЗГЕ ЯЗМАЛАРДАН ТАГЫН НӘРСӘ БЕЛЕП БУЛА?

• Аллаһы басынкыларны тыңлый (Зәбур 138:6).

• Сез Аллаһыга теләсә нинди телдә я хәтта эчтән генә дога кыла аласыз (2 Елъязма 6:32, 33; Никами 2:1—6).