Фәрештәләр тормышыгызга тәэсир итә аламы?

Бер якшәмбе төштән соң Кюрасаода яшәүче Кеннет һәм Филомена бер ирле-хатынлы янына барган. Алар бу пар белән Изге Язмалар өйрәнүе үткәргән.

«Анда килгәч,— дип әйтә Кеннет,— өй бикле иде, ә машина юк иде. Ләкин нәрсәдер мине өйрәнүчебезгә шалтыратырга этәрде».

Хатын телефонын алган һәм иренең эштә булуын әйткән. Әмма Кеннет белән Филоменаның ишек төпләрендә торганын аңлагач, ул ишекне ачып, аларны керергә чакырган.

Алар шунда ук аның әле генә елаганын күреп алган. Кеннет Изге Язмалар өйрәнүе алдыннан дога кылганда, ул хатын яңадан елый башлаган. Шунда Кеннет белән Филомена аңардан ипләп кенә нәрсә булганын сораган.

Хатын нәкъ төштән соң үзенә кул салмакчы булганын әйткән, һәм иренә моның турында язу язганда Кеннет шалтыраткан. Ул депрессиядән газапланганын әйткән. Шуңа күрә Кеннет һәм Филомена аның белән Изге Язмалардагы кайбер юатучы фикерләр белән уртаклашкан. Бу юату аңа яшәвен дәвам итәргә булышкан.

«Без Йәһвәгәa төшенкелеккә бирелгән бу ханымга ярдәм итәргә мөмкинлек биргәне өчен,— дип әйтә Кеннет,— һәм аеруча безне, бәлки, берәр фәрештә я үзенең изге рухы ярдәмендә аңа шалтыратырга этәргәне өчен рәхмәтлебез».

Кеннет белән Филоменаның Аллаһы бу хәлгә я берәр фәрештә, я үзенең изге рухы, ягъни эш итүче кече, аша катышкан дип уйлавы дөресме? Я Кеннетның нәкъ вакытында шалтыратканы бәхетле очрак кынамы?

Без моны төгәл әйтә алмыйбыз. Ләкин без Аллаһының үз фәрештәләрен кешеләргә рухи яктан ярдәм итәр өчен кулланганын беләбез. Мәсәлән, Изге Язмаларда Аллаһының Филип исемле яхшы хәбәр таратучыга бер фәрештәсе аша җитәкчелек биргәне язылган. Ул моны Филип рухи яктан сусаган бер хәбәш кешесенә ярдәм итсен өчен эшләгән (Рәсүлләр 8:26—31).

Төрле диннәр табигатьтән өстен рухи затлар бар дип өйрәтә. Кайбер рухи затлар Аллаһының ихтыярын үтәүче яхшы затлар итеп я шәхси яклаучылар итеп сурәтләнә. Күп кешеләр фәрештәләрнең барлыгына гына түгел, ә шулай ук үзләренә ничектер тәэсир иткәненә ышана. Әмма башка күп кешеләр фәрештәләргә һич ышанмый.

Фәрештәләр чыннан да бармы? Бар икән, алар кайдан килеп чыккан? Алар турында хакыйкать нинди? Алар тормышыгызга тәэсир итә аламы? Әйдәгез, бу сорауларны карап чыгыйк.