Киләчәк турында хакыйкать

«Аллаһы Патшалыгы якын» икәнен нинди вакыйгалардан белеп була? (Лүк 21:31) Гайсә үзе моны аңлаткан. Ул киләчәктә зур сугышлар, җимергеч җир тетрәүләр, ачлык һәм үләтләр булачак дип әйткән. Бүген без бу пәйгамбәрлекнең үтәлешен үз күзләребез белән күрәбез (Лүк 21:10—17).

Изге Язмалар буенча, җирдәге хөкүмәтләрнең «соңгы көннәрен» шулай ук кешеләрнең начар тәртибеннән билгеләп була. Моның турында 2 Тимутигә 3:1—5 тән укып була. Кешеләрнең үз-үзләрен тотышына карап, сез һичшиксез ризалашырсыз: Изге Язмалардагы бу пәйгамбәрлек бүген төгәл үтәлә.

Моның барысы нәрсәне аңлата? Бик тиздән Аллаһы Патшалыгы, зур үзгәрешләр ясап, җирдәге тормышны яхшыга үзгәртәчәк (Лүк 21:36). Изге Язмалар аша Аллаһы җиргә карата һәм анда яшәячәк кешеләргә карата яхшы вәгъдәләр бирә. Менә аларның кайберләре.

ЯХШЫ ХАКИМЛЕК

«Бөтен халыклар, милләтләр һәм төрле тел кешеләре аңа [Гайсәгә] хезмәт итсен өчен, аңа хакимлек, дан һәм патшалык бирелде. Аның хакимлеге — беркайчан юк ителмәс мәңгелек хакимлек, аның патшалыгы — җимерелмәс патшалык» (ДАНИЯЛ 7:14).

Бу нәрсәне аңлата? Аллаһы бөтен җир өстеннән үз хөкүмәтен куйган, һәм сезнең аның идарәсе астында рәхәтләнеп яшәргә мөмкинлегегез бар.

ЯХШЫ СӘЛАМӘТЛЕК

«Яшәүчеләрнең берсе дә: „Мин авырыйм“,— дип әйтмәс» (ИШАГЫЯ 33:24).

Бу нәрсәне аңлата? Сез беркайчан да авыру я гарип булмаячаксыз; сез хәтта үлмичә яши алачаксыз.

ТЫНЫЧЛЫК

«Ул бөтен җирдә сугышларны туктата» (ЗӘБУР 46:9).

Бу нәрсәне аңлата? Кешеләргә сугыш бүтән янамаячак, һәм сугыш китергән бар газаплар юк булачак.

ҖИРДӘ ЯХШЫ КЕШЕЛӘР ГЕНӘ ЯШӘЯЧӘК

«Явызлар инде юк булачак... ә юашлар җирне мирас итеп алачак» (ЗӘБУР 37:10, 11).

Бу нәрсәне аңлата? Җирдә явызлар булмаячак, ә Аллаһыга тыңлаучан кешеләр генә яшәячәк.

БӨТЕН ҖИР ОҖМАХКА ӘЙЛӘНӘЧӘК

«Алар йортлар төзер һәм анда яшәр, йөзем бакчалары утыртыр һәм җимешләрен ашар» (ИШАГЫЯ 65:21, 22).

Бу нәрсәне аңлата? Бөтен җир йөзе матур булачак. Аллаһы «җирдә дә синең ихтыярың үтәлсен» дигән үтенечебезне үтәячәк (Маттай 6:10).