Беренче килүдә Изге Язмалар өйрәнүе ничек үткәрелгәнен күрсәт
Изге Язмалар өйрәнүен тәкъдим иткәндә, кайбер хуҗалар аларга кызык түгел яки алар чиркәүләрендә инде Изге Язмаларны өйрәнә дип әйтәләр. Без үткәргән Изге Язмалар өйрәнүе башка дини төркемнәрнекеннән аерылып торганын алар белми, шулай ук алар өйрәнү никадәр нәсыйхәтле һәм канәгатьлек китерүче була алганын аңламый. Шуңа күрә өйрәнүне тәкъдим итәр урынына, беренче килүдә бер-ике минут эчендә Изге Язмалар өйрәнүе ничек үткәрелгәнен күрсәтү яхшы булыр иде. Моны шундый мисал белән чагыштырып була: башкаларга син яхшы аш пешерүче һәм икенче мәртәбә ризык алып килерсең дип кенә әйтеп калма, аларга шунда ук татып карарга бир. Моны берничә минут эчендә эшләр өчен, «Безнең Патшалык хезмәтебез», 2009 ел, гыйнвар ае санының 6 битендә нигезләнгән бер кереш сүз аста китерелә.
«Монда әйтелгән сүзләр кайчан да булса чынга ашырмы? [Ачылыш 21:4 не укы, һәм җавабын тыңла.] Мин сезгә бер кызык фикерне күрсәтергә телим». Кешегә Изге Язмалар өйрәнүен башлар һәм үткәрер өчен төп коралыбызны бир һәм басмадагы бу тема белән бәйле фикергә игътибар ит. Битнең аскы өлешендәге сорауны укы, һәм абзацны укыганда хуҗаны җавап эзләргә дәртләндер. Аннан соң тагын бер кат сорауны укы һәм кешенең җавабын тыңла. Абзацта китерелгән берәр Изге Язмалар шигырен бергә укыгыз. Кабат килгәндә җавап бирер өчен берәр сорау күтәр һәм киләсе очрашу турында төгәл сөйләш. Син әле генә Изге Язмалар өйрәнүен башладың!