Вәгазь сыйфатын яхшыртабыз. Туры килерлек басма ярдәмендә өйрәнү үткәрәбез

Ни өчен бу мөһим? Без Изге Язмаларны өйдә бушлай өйрәнергә тәкъдим иткәндә, күп кенә кешеләр нәрсә әйтәсе килгәнебезне аңламаска мөмкин. Алар, бәлки, өйрәнү төркеменә язылуны яисә читтә торып укуны күз алдына китерәдер. Шуңа күрә Изге Язмаларны өйрәнергә тәкъдим итү белән генә чикләнмик, ә өйрәнү ничек үткәнен күрсәтик. Нибары берничә минутта без, ишек төбендә булса да, кешегә Изге Язмаларны өйрәнүнең җиңел һәм кызык булуын күрсәтә алабыз.

Кайбер киңәшләр:

Исемеңне әйткәч, кешедән: «Киләчәк турында нәрсә уйлыйсыз?» — дип сора.
Күп кенә кешеләрне бу сорау борчый дип әйт һәм үзең сайлаган басманың эчтәлеген, ул булса, ачып күрсәт. Бу басма Изге Язмаларда киләчәк турында язылганнарны аңлата дип әйт һәм кешедән аның нинди теманы карап чыгасы килер иде дип сора.
Аңа басманы бир. Эчтәлектәге яисә бүлек башындагы сорауларга җавапны текстның үзеннән алып була дип аңлат.
Кешегә, уңайлы булса, беренче абзацны укырга куш. Шуннан соң шул абзацка сорауны укы һәм кеше белән бергә җавапны тап. Җавапны табарга ярдәм итүче шигырьләрне укы һәм анда язылганнарга игътибар ит. Кешегә үз басмаңда сызылган җавапны күрсәт.
Киләсе абзацка күч, әмма хәзер кешегә сорауга җавапны үз сүзләре белән әйтеп бирергә куш.
Аны макта һәм бүлекне тәмамлар өчен киләсе очрашуга сөйләш.
Мөмкин булса, кешегә «Изге Язмалар өйрәнүе ничек үтә?» дигән видеороликны күрсәт.

Бу айда болай эшләп кара:

Йәһвәдән Изге Язмалар өйрәнүен башларга ярдәм итсен дип сора (Флп. 2:13).
Бер тапкыр булса да Изге Язмалар өйрәнүен ничек үткәреп булганын туры килерлек басма ярдәмендә күрсәт яисә «Изге Язмалар өйрәнүе ничек үтә?» дигән видеороликны уйнат.