Изге Язмалар өйрәнүен башлар өчен яңа рубрика
1. Брошюраларда нинди яңа рубрика булачак, һәм ул ни өчен бастырылган?
1 Киләсе айдан башлап, таратыр өчен брошюраларда яңа рубрика булачак, ул безгә Изге Язмалар өйрәнүләрен башларга ярдәм итәчәк. Аның исеме — «Аллаһы Сүзен өйрәнегез». Территориябездәге кайбер кешеләргә бу рубриканың һәрбер мәкаләсен уку, әлбәттә, ошар. Ләкин бу мәкаләләр, беренче чиратта, кеше белән бергә карап чыгар өчен бастырылган.
2. Бу мәкаләләрнең кайбер үзенчәлекләре нинди?
2 Үзенчәлекләр. Исемнәр һәм өстәмә исемнәр сорау формасында язылган, һәм аларны кеше белән фикер алышканда биреп була. Төп шигырьләр өземтә итеп китерелми, шуңа күрә кешенең абзацтан соң куелган бу шигырьләрне нәкъ Аллаһы Сүзеннән укырга мөмкинлеге бар. Абзацлар кыска булганга, аларны кеше белән хәтта ишек алдында карап чыгарга була. Һәрбер мәкалә Изге Язмаларны өйрәнү өчен басманың берәр бүлеге белән бәйле, бу безгә кеше белән шул басма буенча уңайлы вакытта өйрәнү башларга ярдәм итәчәк.
3. Өйдән-өйгә вәгазьләгәндә, бу рубрика ярдәмендә Изге Язмалар өйрәнүен ишек алдында ничек башлап була?
3 Аны ничек кулланырга? Брошюраларны тәкъдим иткәндә, мәкаләнең төп темасы буенча кызыксыну уята торган сорау биреп була. Мәсәлән, «Гадән бакчасы. Уйдырма яки фактмы?» дигән брошюрада Изге Язмаларның кыйммәтлеге турында сүз бара. Син болай дип сорый аласың: «Сезнеңчә, Изге Язмалар бу Аллаһы Сүзе яисә яхшы китап кынамы? [Җавабын тыңла.] Минем сезгә бу сорау буенча бер кызык фикерне күрсәтәсем килә». Беренче сорауга игътибар итеп, беренче абзацны һәм китерелгән шигырьне укы. Сорауны яңадан укы һәм кешегә үз фикерен әйтергә тәкъдим ит. Сөйләшүне китерелгән сорауларга нигезләп, кирәк кадәр материал карап чык. Китәр алдыннан киләсе сорауга игътибар ит һәм бу сорау турында фикер алышыр өчен, кабат килеп китү турында сөйләш. Кешегә килеп киткәндә, аның белән мәкаләнең өлешен һәр атна карап чык. Яки кешегә Изге Язмалар өйрәнүен турыдан-туры тәкъдим ит. Аннары бу мәкалә ярдәмендә андый өйрәнү ничек үткәрелә икәнен күрсәт.
4. Кешегә килеп киткәндә, бу мәкаләләрне ничек кулланып була?
4 Басмаларыбызны регуляр рәвештә укый торган кешеләргә брошюраларны алып килгәндә һәм башка кешеләргә кабат килеп киткәндә, син бу рубриканы шулай ук уңышлы итеп куллана аласың. Син болай дип әйтә аласың: «Хәзер безнең брошюраларда яңа үзенчәлек бар. Әйдәгез, мин сезгә бу рубрика белән ничек кулланып булганын күрсәтим». Без, күп кешеләр андый мәкаләләр ярдәмендә «хакыйкатьне тануга» ирешсен дип, дога кылабыз (1 Тим. 2:4).