Син бар рубрикаларны да кулланасыңмы?
1 Бер апа-кардәш «Күзәтү манарасы»ның 2008 ел 1 нче гыйнвар санын укыгач, болай дип язган: «Мин аны тизрәк вәгазьдә кулланырга телим!». Таратыр өчен журналдагы кайбер рубрикаларны карап чыктыңмы һәм аларны хезмәттә кулланасыңмы?
2 «Без Гайсә Мәсихтән нәрсәгә өйрәнәбез?» Син бу рубриканың Изге Язмалар өйрәнүен башларга ярдәм иткәнен, бәлки, күргәнсеңдер. Бу рубриканы кулланып, син кешегә мәкаләнең исемен укый аласың һәм беренче абзацта китерелгән Гайсәнең бу темага кагылышлы сүзләренә игътибар итә аласың. Кеше кызыксыну күрсәтсә, уйланырга дәртләндерүче сораулар итеп төзелгән өстәмә исемнәрне кулланып, сөйләшүне дәвам итәргә тырыш. Кешенең фикерен сора. Китерелгән яраклы рәсемнәрне кыскача аңлатып, киләсе абзацка күч. Мәкаләнең беренче яртысын беренче килгәндә, ә икенче яртысын кабат килгәндә карап чыга аласың. Өйрәнүне «Хак тәгълиматлар» китабы буенча дәвам итәргә тырыш.
3 «Гаилә бәхетенең серләре». Бу мәкаләләр ирләргә, хатыннарга һәм әти-әниләргә гаилә тынычлыгына янаган авырлыклар белән очрашканда, Изге Язмалар принципларын ничек кулланып булганын күрергә ярдәм итә. Бу мәкаләләрне шулай ук Йәһвә Шаһите булмаган кешеләргә Изге Язмалардагы акыллылыкны күрергә ярдәм итәр өчен кулланып була (2 Тим. 3:16, 17).
4 Яшьләр өчен рубрикалар. «Яшь укучыларыбыз өчен» рубрикасындагы мәкаләләр укучыны Изге Язмаларда әйтелгән берәр вакыйганы җентекләп карап чыгарга һәм үз фикере белән бүлешергә дәртләндерә. Бу мәкаләләрне вәгазьдә очраткан яшьләргә Аллаһы Сүзен өйрәнү нинди файда китергәнен күрсәтер өчен кулланып була (Мәд. 118:9, 105). Әти-әниләр белән сөйләшкәндә «Балаларыгызны өйрәтегез» дигән рубрикага игътибар итә аласың. Бу мәкаләләр кечкенә балаларга Изге Язмаларда әйтелгән кешеләр үрнәгеннән мөһим сабаклар алырга ярдәм итәчәк. Әти-әниләр, сез бу мәкаләләрне үз балаларыгыз белән бергә укыйсызмы?
5 Башка рубрикалар. «Укучыларның сораулары» рубрикасында Йәһвә Шаһите булмаган кешеләрдә туа алган сораулар карала. Өйдән-өйгә вәгазьләп журналлар тәкъдим иткәндә бу мәкаләгә игътибар итеп була. «Хат» рубрикасында миссионерлар һәм башка кардәшләр хезмәтләрендә булган кызыклы очраклар һәм авырлыклар турында сөйлиләр. Бу мәкаләләр кызыксынучы кешеләргә, Мәсихнең күктә патша булып идарә итүенең билгесе буенча, яхшы хәбәрнең бөтен җир шарында вәгазьләнгәнен күрергә ярдәм итә (Мат. 24:3, 14).
6 Теократик хезмәт мәктәбенең программасы буенча Изге Язмаларны уку графигына нигезләнгән «Аллаһыны яхшырак белегез» дигән рубрика эчкерсез кешеләрне Йәһвә турында күбрәк белергә дәртләндерергә мөмкин. «Иманнарын үрнәк итеп тотыгыз» дигән рубрика кешеләргә Изге Язмалардагы вакыйгаларны күз алдына китерергә ярдәм итә. Бу рубрикада Изге Язмаларда искә алынган кешеләр — аларның карарлары, авырлыклары, иманнары — безнең көннәрдәге укучылар өчен реаль булып сурәтләнә.
7 Өч айга бер тапкыр «Күзәтү манарасы»ның таратыр өчен санын алырга без бик шат! Шуңа күрә, әйдәгез, бу санның эчтәлеге белән яхшылап танышыйк һәм хезмәттә тулысынча кулланыйк.