Сезнең киләчәгегез үз кулыгызда

Якынча 3 500 ел элек Йәһвә Аллаһы үзенә табынган кешеләргә, имин киләчәккә ирешер өчен, нәрсә эшләргә кирәклеген әйткән. Ул болай дигән: «Мин бүген сиңа тормыш һәм үлем, фатиха һәм ләгънәт тәкъдим иттем. Син үзең һәм токымнарың яши алсын өчен, тормышны сайла» (Канун 30:19).

Киләчәкләре якты булсын өчен, Аллаһы үз халкына дөрес сайлау ясарга тәкъдим иткән. Без дә бүген шундый ук сайлау алдында торабыз. Изге Язмаларда, имин киләчәккә ирешер өчен, безгә нәрсә эшләргә кирәк икәнлеге аңлатыла: «Аллаһың Йәһвәне ярат, аны тыңла» (Канун 30:20).

ЙӘҺВӘНЕ ЯРАТУ ҺӘМ ТЫҢЛАУ НӘРСӘНЕ АҢЛАТА?

ИЗГЕ ЯЗМАЛАРНЫ ӨЙРӘНЕГЕЗ. Йәһвәне яратыр өчен, сезгә башта аның турында Изге Язмалардан белем алырга кирәк. Сез аның үзегезне яратканын һәм үзегезгә иң яхшысын теләгәнен белерсез. Ул сезне үзенә дога кылырга чакыра, чөнки «ул сезнең хакта кайгырта» (1 Петер 5:7). «Аллаһыга якынлашыгыз, ул да сезгә якынлашыр»,— дип әйтелә Изге Язмаларда (Ягъкуб 4:8).

БЕЛГӘННӘРНЕ КУЛЛАНЫГЫЗ. Аллаһыны тыңлар өчен, аның Изге Язмаларда язылган җитәкчелегенә буйсынырга кирәк. Шулчак «юлыгыз уңышлы булыр, һәм сез зирәклек белән эш итәрсез» (Йошуа 1:8).