Урман күгәрчене һәм күгәрчен баласы

Муса кануны буенча, бала тапкан хатын яндыру корбаны итеп яшь бәрән тәкәсе һәм гөнаһ йолу корбаны итеп күгәрчен баласы яки урман күгәрчене алып килергә тиеш булган. Әгәр гаилә, күрәсең, Мәрьям белән Йосыф очрагындагы кебек, сарык тәкәсе алып килә алмаса, ике урман күгәрчене я ике күгәрчен баласы алып килә алган (Лв 12:6—8). Монда күрсәтелгән урман күгәрчене (Streptopelia turtur) (1) Израильдә дә һәм шулай ук Европа, Төньяк Африка һәм көнбатыш Азиядә дә очрый. Һәр ел октябрь аенда бу кошлар җылырак көньяк илләргә очып китә, ә язын Израильгә кайта. Монда күрсәтелгән икенче кош (2) — кыя күгәрчене (Columba livia). Андый төр бөтен җирдә очрый. Алар гадәттә бер кая да очып китми.