Сез беләсезме?

Ни өчен исраиллеләргә күгәрченнәрне дә, урман күгәрченнәрен дә корбан итеп китерергә рөхсәт ителгән?

МУСА КАНУНЫНДА корбан китерү турында сүз барганда, күгәрченнәр дә, урман күгәрченнәре дә һәрвакыт бергә искә алына. Исраиллеләр корбан итеп бу кошларның ике төрен дә китерә алганнар (Лев. 1:14; 12:8; 14:30). Моның уңай ягы бар. Нинди?

Урман күгәрченнәре — күчмә кошлар. Шуңа күрә аларны Исраилдә җылы айларда гына күреп булган. Октябрьда алар җылы якларга очып киткән һәм кире яз көне генә кайткан (Җыр. 2:11, 12; Ирм. 8:7). Шуңа күрә исраиллеләргә кышкы айларда урман күгәрченнәрен корбан итеп китерү мөмкин булмаган.

Күгәрченнәр исә күчмә кошлар түгел, аларны һәрвакыт Исраилдә табып булган. Кешеләр аларны хәтта асраган. (Яхъя 2:14, 16 белән чагыштыр.) «Изге Язмаларда искә алынган үсемлекләр һәм хайваннар» дип аталган китапта болай диелгән: «Авылларда һәм шәһәрләрдә күгәрчен асраганнар. Һәр хуҗалыкта берәр бинаның стенасында уем булган, һәм анда күгәрченнәр яшәгән» (Bible Plants and Animals). (Ишагыя 60:8 белән чагыштыр.)

Йәһвә, исраиллеләргә елның теләсә кайсы фасылында таба алган кошларны корбанга китерергә рөхсәт итеп, үз яратуын һәм зирәклеген күрсәткән.