Кайсар Нерон
Якынча б. э. 56—57 елларында сугылган бу алтын тәңкәдә Нерон бюсты төшерелгән. Ул Рим империясе белән б. э. 54—68 елларында идарә иткән. Паул, Иерусалимда гаделсез кулга алынып, якынча б. э. 56—58 елларында Кайсариядә төрмәдә утырганнан соң, кайсар алдында — нәкъ шул Нерон алдында хөкем ителергә теләген белдергән. Паул, күрәсең, якынча б. э. 59 елында Римда беренче тапкыр төрмәгә утыртылганнан соң гаепсез дип игълан ителгән һәм якынча б. э. 61 елында азат ителгән булган. Әмма б. э. 64 елында Римда чыккан янгын аның дүртенче өлешен юкка чыгарган, һәм кайберәүләр янгында император Неронны гаепләгән. Шикне үзеннән читкә җибәрү өчен, Нерон бу бәладә мәсихчеләрне гаепләгән. Шуңа күрә мәсихчеләр эзәрлекләүләргә дучар булган. Күрәсең, шул вакытларда (б. э. 65 елы) Паул икенче мәртәбә Римда төрмәгә утыртылган һәм соңыннан үтерелгән булган.
Чыганак:
© Trustees of the British Museum. Licensed under CC BY-NC-SA 4.0 - (http://CreativeCommons.org/licenses/by/4.0/). Source (http://www.britishmuseum.org/research/collection_online/collection_object_details.aspx?assetId=657536001&objectId=1216056&partId=1)
Шушы шигырь(ләр) белән бәйле: