Рәсүлләр кылган эшләр. Б. э. як. 49—52: Паулның икенче вәгазь сәяхәте (Рс 15:36—18:22)
Вакыйгалар хронологик тәртиптә китерелгән
1. Паул белән Барнаб бер-берсен ташлап китә; Паул Силас белән сәяхәт итә, ә Барнаб үзе белән Яхъяны (Марк дип тә атала) ала (Рс 15:36—41)
2. Паул Дербигә, ә аннары Листрага килә; шунда ул Тимутине үзенә юлдаш итеп сайлый (Рс 16:1—4)
3. Изге рух Паулны Аллаһы сүзен Асия өлкәсендә вәгазьләүдән тыя; Паул Фригия һәм Гәләтия аша үтеп, Мисиягә килеп җитә (Рс 16:6, 7)
4. Паул юлдашлары белән Троаска төшкәч, Паул күренештә македонияле бер ир-атның үзләрен Македониягә килергә чакырганын күрә (Рс 16:8—10)
5. Паул белән юлдашлары корабка утырып Троастан Ниапольга килә, ә аннары Филипиягә юл тота (Рс 16:11, 12)
6. Паул Филипия шәһәре капкасыннан чыгып, елга буенда хатыннарга вәгазьли; Лидия һәм өендәгеләре суга чумдырыла (Рс 16:13—15)
7. Паул белән Силасны Филипиядә төрмәгә ташлыйлар; төрмә сакчысы һәм өендәгеләре суга чумдырыла (Рс 16:22—24, 31—33)
8. Паул шәһәр хакимнәренең гафу үтенүләрен сорый; алар Паул белән Силасны иреккә чыгара; Паул Лидиянең йортына бара һәм яңа гына суга чумдырылганнарның рухларын күтәрә (Рс 16:37—40)
9. Паул юлдашлары белән Амфиполь һәм Аполлония аша үтеп, Тисалуникәгә килә (Рс 17:1)
10. Паул Тисалуникәдә вәгазьли; кайбер яһүдләр һәм күп кенә греклар шәкерт булып китә; ышанмаучы яһүдләр шәһәрдә чуалыш күтәрә (Рс 17:2—5)
11. Бируягә килгәч, Паул белән Силас андагы синагогада вәгазьли; Тисалуникәдән килгән яһүдләр халыкны котырта (Рс 17:10—13)
12. Паул диңгез буйлап Афинага килә, ә Силас белән Тимути Бируядә кала (Рс 17:14, 15)
13. Паул Афинада Ареопагта чыгыш ясый; кайберәүләр иман итүчеләр булып китә (Рс 17:22, 32—34)
14. Паул Көринттә 18 ай яшәп, Аллаһы сүзенә өйрәтә; кайберәүләр каршы килә, әмма күпләр иман итә башлый һәм суга чумдырыла (Рс 18:1, 6, 8, 11)
15. Көринт порты Кинкриядә Паул Прискиллә һәм Әкил белән корабка утырып, Эфескә килә һәм шундагы синагогада вәгазьли (Рс 18:18, 19)
16. Паул корабка утырып, Кайсариягә китә, ә Прискиллә белән Әкил Эфестә кала; Паул Иерусалимга килә һәм аннары Суриядәге Антиохка китә (Рс 18:20—22)