Рәсүлләр кылган эшләр. Б. э. як. 52—56: Паулның өченче вәгазь сәяхәте (Рс 18:23—21:17)

Вакыйгалар хронологик тәртиптә китерелгән

1. Паул Суриядәге Антиохтан китеп Гәләтия һәм Фригиягә килә һәм җыелышлардагы шәкертләрне ныгыта (Рс 18:23)

2. Паул, илнең диңгездән ераграк урнашкан өлкәләре аша үтеп, Эфескә килә; анда кайберәүләр суга чумдырыла һәм изге рух ала (Рс 19:1, 5—7)

3. Паул Эфестәге синагогада вәгазьли, ләкин кайбер яһүдләр ышанырга теләми; Паул Тиранус мәктәбенә күчеп, шунда һәр көн нотыклар сөйли (Рс 19:8, 9)

4. Паулның Эфестәге хезмәте җимешләр китерә (Рс 19:18—20)

5. Эфес театрында тәртипсезлек күтәрелә (Рс 19:29—34)

6. Паул Эфестән Македониягә килә, ә аннары Грециягә китә (Рс 20:1, 2)

7. Грециядә өч ай яшәгәч, Паул кире Македония аша үтә (Рс 20:3)

8. Паул Филипиядән Троаска килә; шунда ул Әүтихне үледән терелтә (Рс 20:5—11)

9. Паулның юлдашлары корабта Ассоска килә, ә Паул җәяү барып аларга шунда кушыла (Рс 20:13, 14)

10. Паул юлдашлары белән корабта Милетка килә, һәм Паул шунда Эфес өлкәннәре белән очрашып аларны, күп сүзләре әйтеп, үгетли (Рс 20:14—35)

11. Паул өлкәннәр белән бергә дога кыла һәм аларга үзен инде бүтән күрмәячәкләрен әйтә; бу өлкәннәрне күңелсезләндерә; алар аны корабка чаклы озата бара (Рс 20:36—38)

12. Милеттан Паул юлдашлары белән Коска, аннары Родоска һәм Патарага йөзә, һәм шунда алар Суриягә баручы корабка утыра; кораб Кипр утравын көньяк-көнбатыш ягыннан уза һәм Тирда туктала (Рс 21:1—3)

13. Тирда шәкертләр, рухтан хәбәр алып, Паулны Иерусалимга бармаска кат-кат кисәтә (Рс 21:4, 5)

14. Паул Кайсариягә килә; Һагәб исемле пәйгамбәр Паулга аны Иерусалимда бәла-каза көтә дип әйтә (Рс 21:8—11)

15. Паул Иерусалимга, анда куркыныч булса да, килә (Рс 21:12—15, 17)