Рәсүлләр кылган эшләр. Паулның Римга сәяхәте һәм анда беренче тапкыр сак астында булуы (Рс 27:1—28:31)

Вакыйгалар хронологик тәртиптә китерелгән

1. Кайсариядә ике ел төрмәдә утырганнан соң, һаман да тоткында булган Паул корабка утырып Римга китә (Рс 27:1, 2)

2. Паул юлдашлары белән Сидонга килеп җитә; анда Паулга кардәшләре белән очрашырга рөхсәт итәләр (Рс 27:3)

3. Паул Кипрга ышыкланып йөзгән корабта Киликия һәм Пәмфилия ярлары буйлап диңгезне кичә һәм Ликиядәге Мирага килеп җитә (Рс 27:4, 5)

4. Мирада Паул Искәндәриядән килүче ашлык төялгән корабка утыра; кораб көчкә Книтка килеп җитә һәм шуннан соң, Критка ышыкланып, Салмон яныннан уза (Рс 27:6, 7)

5. Паул юлдашлары белән корабта көчкә-көчкә Крит яры буйлап йөзә һәм Гүзәл Култык исемле урынга барып җитә (Рс 27:8)

6. Кораб Гүзәл Култыкта шактый күп вакыт тора; Гүзәл Култыктан Критның башка пристанена — Финикка китәргә карар ителә (Рс 27:9—13)

7. Корабның диңгезгә чыгуы була, Эвракилон дигән бик көчле төньяк-көнчыгыш җиле куба; җил корабны алып китә (Рс 27:14, 15)

8. Кораб Кәүдә дип аталган утрауга ышыкланып бара; матрослар корабның Сиртта сай җиргә утыруыннан курка (Рс 27:16, 17)

9. Паул алдында бер фәрештә пәйда була һәм аңа кайсар каршына басачагын әйтә; Паул үзе белән сәяхәт итүчеләрне барысының да исән калачагына ышандыра (Рс 27:22—25)

10. Мальтада кораб һәлакәткә очрый (Рс 27:39—44; 28:1)

11. Мальта кешеләре үзләрен гадәттән тыш игелекле тота; Паул Паблиның атасын савыктыра (Рс 28:2, 7, 8)

12. Искәндәриядән килгән һәм Мальтада кышлаган корабка утырып, Паул Сиракузга китә, ә аннан Ригиумга юл тота (Рс 28:11—13а)

13. Паул Путеолига килеп җитә; анда кардәшләр аны җылы кабул итә (Рс 28:13ә, 14)

14. Римдагы кардәшләр Паулны Өч Кунакханә һәм Аппи базары мәйданында каршы ала (Рс 28:15)

15. Паул Римга барып җитә; аңа гаскәри сагы астында бер йортта яшәргә рөхсәт итәләр (Рс 28:16)

16. Паул Римдагы яһүдләр белән сөйләшә; ике ел буе үзе янына килүчеләрнең барысына кыюлык белән вәгазьли (Рс 28:17, 18, 21—31)