Яңа дөнья тәрҗемәсе комитеты

Йәһвә Шаһитләренең Җитәкче советы билгеләгән майланган мәсихчеләр төркеме. Бу төркем Изге Язмаларның заманча инглиз теленә тәрҗемәсен булдырыр өчен билгеләнгән булган. Изге Язмаларның Авторына тиешле хөрмәт күрсәтер өчен, комитет әгъзалары билгесез булып калырга хәл иткән.

1940 елларда оештырылган беренче комитет «Изге Язмалар. Яңа дөнья тәрҗемәсе»н өлешләп чыгарган. Башта 1950 елда Мәсихче Грек Язмалары дөнья күргән. Ә тулы Изге Язмалар бер басма булып 1961 елда чыгарылган. Комитет шулай ук «Грек Язмаларының Патшалык подстрочнигы» басмасын әзерләгән; ул 1969 елда чыккан булган. «Изге Язмалар. Яңа дөнья тәрҗемәсе. Искәрмәләр белән» 1984 елда чыккан. Ул тексттагы кайбер үзгәрешләрне, шулай ук күп кенә кисешкән урыннар, искәрмәләр һәм кушымталар үз эченә алган.

2008 елда хәзерге Яңа дөнья тәрҗемәсе комитетына «Изге Язмалар. Яңа дөнья тәрҗемәсе»н яңадан карап чыгарга йөкләмә бирелә. Яңадан карап чыгылган бу тәрҗемәдә инглиз лексикасындагы үзгәрешләр, шулай ук билгеле сүзләр һәм сүзтезмәләрне заманча куллану ысулы исәпкә алына. Комитет Изге Язмаларның яңа кулланыла башлаган кулъязмаларын да, шулай ук Изге Язмалар язылган борынгы телләрне һәм кулъязмаларны өйрәнгәндәге ачышларны игътибарга ала. Нәтиҗәдә, 2013 елда инглиз телендә яңадан карап чыгылган басма чыга. Шуннан бирле, яңадан карап чыгылган «Изге Язмалар. Яңа дөнья тәрҗемәсе» күп кенә башка телләргә дә тәрҗемә ителә.