«Бу өр-яңа караш!»

КӨНЬЯК КОРЕЯДА мәктәптә эшләгән сыйныф җитәкчесе Су-юнг үз классына сайтыбыздан видеороликны күрсәткән. Ул болай ди: «„Кем чын дус?“ дигән видеоролик укучыларга яхшы тәэсир итте. Аны карагач, алар шундыйрак сүзләр әйтте: „Мин беркайчан да дуслык турында алай уйламаган идем. Бу өр-яңа караш!“ Кайберәүләр үзләренә ниндидер киңәш кирәк булса, шул сайтка керәчәкбез диделәр». Су-юнг: «Мин бу видеороликны күп кенә башка укытучыларга тәкъдим иттем, һәм алар үз дәресләрендә шундый яхшы коралны куллана алуларына шат булдылар»,— дип өсти.

Көньяк Кореядәге күп укучылар «Бәйләнчекләрне йодрык белән янамыйча җиң» дигән икенче видеороликны да файдалы дип тапкан. Балалар арасында көч куллануны булдырмау фонды белән хезмәттәшлек иткән бер докладчы аны класста укучыларга күрсәткән. «Бу видеоролик җәлеп итәрлек итеп ясалганга күп яшьләрне кызыктырды,— ди ул.— Өстәвенә, бу видеороликта көч куллануны ничек җиңәргә икәнен генә түгел, ә шулай ук аны булдырмау юллары күрсәтелгәнгә, ул файдалы». Бу фонд шул видеороликны башлангыч һәм урта мәктәпләрдә ясаган докладларында кулланырга рөхсәт сораган. Алар уңай җавап алган. Хәтта полиция хезмәткәрләре сайтыбызда булган видеороликларны куллана.

Без сезне сайтыбызга керергә чакырабыз. Аны куллану җиңел, аннан аудио- һәм видеоязмаларны, шулай ук Изге Язмалар белән күп кенә басмаларны бушлай йөкләп була.