Сигезенче кисәккә кереш сүз

Йәһвә Сөләйманга зур зирәклек һәм гыйбадәтханә төзергә мөмкинлек биргән. Шулай да тора-бара Сөләйман Йәһвәне калдырган. Ялган илаһларга табынучылар Сөләйманны Аллаһыдан читләштергән. Балаларыгызга моның ничек булганын аңлатыгыз. Патшалык икегә бүленгән, һәм начар патшалар, потка табынып, халыкны Йәһвәдән алып киткән. Ул вакытларда Йәһвәнең күп кенә тугры пәйгамбәрләрен эзәрлекләгәннәр һәм үтергәннәр. Изәбе́л патшабикә төньяк патшалыкны ялган дин сазлыгына тагы да тирәнрәк батырган. Исраи́л тарихында авыр вакытлар башланган. Шулай да исраиллелә́р арасында Йәһвәгә тугры хезмәт иткән кешеләр дә, мәсәлән Йәһшәфә́т патша һәм Ильяс пәйгамбәр булган.