Сораулар рамкасы

◼ Җыелышларга яки кешеләргә Йәһвә Шаһитләре кулланган юридик шәхеснең исемен яисә билгеләрен кулланырга ярыймы?

Исемнәр яки билгеләр берәр оешманы тиз һәм төгәл итеп танырга ярдәм итә. Күзәтү Манарасы Җәмгыятенең билгесе Күзәтү Манарасы, Изге Язмалар һәм трактатлар Җәмгыятенең (Пенсильвания) һәм оешма кулланган башка юридик шәхесләрнең вәкиле. Йәһвә Шаһитләренең мәсихче җыелышы үз хатларының башында ачылган Изге Язмалар китабының сурәтен куллана. Йәһвә Шаһитләре кулланган башка юридик шәхесләр төрле исемнәр һәм билгеләр йөртә.

Җыелышлар һәм кешеләр юридик шәхесләрнең исемнәрен яисә билгеләрен яки аларның үзгәртелгән төрләрен Патшалык Залларында, андагы вывескаларда, хат башларында, шәхси әйберләрдә һәм башкача кулланырга тиеш түгел. Югыйсә, хакимият кешеләре, вәгазьчеләр һәм башкалар бу җыелыш — оешманың юридик шәхесе дип уйларга мөмкин. Шулай ук хатларны төп идарә яки филиал хуплаган яисә җибәргән дип ялгыш аңлап була.

Киләчәктә Күзәтү Манарасы Җәмгыятенең исемен яки билгесен, яисә аның үзгәртелгән төрләрен Патшалык Заллары проектларында, бу Зал юридик шәхеснең милке булса да, кулланырга ярамый. Патшалык Залларында исем яки билге булган җыелышлардан вывескаларны яисә бинаның күренешен тиз арада үзгәртү таләп ителми, чөнки бу зур үзгәреш була ала һәм моңа күп вакыт, көч һәм акча китәргә мөмкин. Әмма үзгәреш зур булмаса һәм күп көч таләп итмәсә, моны башкарырга кирәк. Ә зур үзгәрешләр ясарга кирәк булса, моны бинаны яисә вывесканы яңарту планлаштырылганда башкарып була.