Вәгазьләр өчен кереш сүзләр

Декабрь аеның беренче шимбә көнендә Изге Язмалар өйрәнүен башлау. «Бүген күпләр аерылышулар санының үсә баруына борчыла. Шулай ук ир белән хатын никахларында авырлыклар туу белән еш кына аерым яшәргә була. Сез моңа ничек карыйсыз? [Җавабын тыңла.] Ир белән хатын никахларын саклар өчен, тырышлыклар куйса, бу аларга чын бәхет табарга ярдәм итәчәк. Моның өчен Изге Язмалардагы киңәшләрне куллану мөһим». 1 Көринтлеләргә 7:10, 11 не укы һәм «Дөнья белән кем идарә итә?» дигән брошюраның 26 битендә китерелгән «Гаиләгез бәхетле булсын өчен, нәрсә эшләргә?» дигән мәкаләдәге 3 нче өстәмә исем астындагы материалны бергә карап чыгыгыз. Брошюраны тәкъдим ит һәм, бу мәкаләдәге башка сорауны карап чыгар өчен, кабат килеп-китү турында сөйләш.

«Дөнья белән кем идарә итә?» дигән брошюра. «Дөньяда шулкадәр күп явызлык һәм гаделсезлекнең булуына, сезнеңчә, кем гаепле? [Җавабын тыңла.] Изге Язмалар буенча, Шайтан — бу реаль шәхес, һәм ул кешеләрне ялгыштырыр өчен һәм явыз эшләргә этәрер өчен, бар көчен куя». 2 Көринтлеләргә 11:14 не укы һәм брошюраны тәкъдим ит.

«Дөнья белән кем идарә итә?» дигән брошюра. «Сезнең кайчан да булса „Һармагедун“ дигән сүзне ишеткәнегез бармы? [Җавабын тыңла.] Күпләр бу сүзне ишеткәндә, һәлакәтле атом-төш сугышын күз алдына китерә. Чынлыкта исә, Изге Язмалар буенча, Һармагедун яхшы үзгәрешләргә, мәңгелек тынычлыкка, китерәчәк». Мәдхия 36:10, 11 не укы, һәм брошюраны, 13 нче битендәге «Һармагедун. Нәрсә ул?» дигән мәкаләне ачып, тәкъдим ит.