Хезмәттә тулаем гаилә катнаша
1 Йәһвәнең исемен бар халык алдында мактап мәсихче хезмәттә ир белән хатынның я әти-әнисе белән баланың катнашуын күрү күңелләребезне шатлык белән тутыра (Мәд. 148:12, 13). Һәрбер гаилә вәгазьдә регуляр рәвештә катнашсын өчен, Аллаһыга хезмәт итүнең яхшы графигы булырга тиеш. Сезнең гаиләгездә вәгазь өчен берәр көн бүлеп куелганмы? Бүлеп куелган булса, гаиләгездәге һәр кеше үз эшләрен планлаштырып вәгазьдә катнаша ала (Гыйб. сүз. 21:5а).
2 Вәгазьдә кулланыр өчен алдан ук гаилә белән бергәләп кереш сүзләр төзесәгез, яхшы булыр иде. Андый әзерләнү бик файдалы, чөнки гаиләдәге хезмәттәшлек рухына үз өлешен кертә. Бөтен гаилә вәгазьгә яхшы әзерләнеп барганда бу шулкадәр күңелле!
3 Күчеп йөрүче бер күзәтче бер гаилә белән брошюралар таратуда катнашкан. Шул гаиләдән бер кыз белән вәгазьләгәндә кыз аңардан: «Без синең белән күпме вакыт вәгазьләргә җыенабыз?» — дип сораган. Шуннан соң ул күзәтче белән вәгазьләгәннән соң әтисе белән вәгазьләргә җыена дип әйткән. Шунсы ачык күренеп торган: аңа үз әтисе белән хезмәт итү ошый. Әйе, бу гаиләдә яхшы хезмәттәшлек рухы хөкем сөрә!
4 Кайбер гаиләләрдә хәтта һәр кеше елга бер тапкыр ярдәмче пионер булып хезмәт итә алыр. Я, ким дигәндә, гаиләнең бер кешесе өзлексез ярдәмче пионер булып я хәтта гомуми пионер булып хезмәт итә алыр. Әгәр барысын яхшы итеп оештырсак һәм хезмәттәшлек итсәк, бәлки, гаиләнең бар кешесе хезмәттә күбрәк катнаша алыр һәм шулай итеп пионер булып хезмәт итүчегә ярдәм итәр. Һичшиксез, хезмәттә күбрәк катнашып тулаем гаилә фатихалар алачак, һәм аларның хезмәттә булган төрле яхшы очраклары күбрәк булачак (Мал. 3:10).
5 Гаиләнең һәр кешесе вәгазьдә катнашса, бу гаиләгә бердәм булып калырга, Йәһвәгә хезмәт итүдә ашкынучан, уңышлы һәм шатлыклы булырга булышачак! (Филипиялеләргә 2:1, 2 не чагыштыр.)