Вәгазь сыйфатын яхшыртабыз. Өйрәнүчеләрне багышлануга һәм суга чумдырылуга әзерлибез

НИ ӨЧЕН БУ МӨҺИМ? Йәһвәнең хуплавын алыр өчен, Изге Язмаларны өйрәнүчеләр үз тормышларын Аллаһыга багышларга һәм суга чумдырылу үтәргә тиеш (1Пт 3:21). Аллаһыга багышланулары буенча яшәүчеләр рухи яклау таба (Зб 91:1, 2). Мәсихче үз тормышын берәр кешегә, эшкә я оешмага түгел, ә Йәһвәгә багышлый. Шуңа күрә өйрәнүчеләргә Аллаһыга ярату һәм рәхмәт хисен үстерергә кирәк (Рм 14:7, 8).

КАЙБЕР КИҢӘШЛӘР

• Өйрәнү вакытында алган белемнәр Йәһвә турында нәрсә ачыклаганы хакында фикер алышыгыз. Изге Язмаларны һәр көн укуның һәм Йәһвәгә «өзлексез» дога кылуның мөһимлеген ассызыкла (1Тс 5:17; Яг 4:8).

• Өйрәнүчене Аллаһыга багышлануны һәм суга чумдырылуны максат итеп куярга дәртләндер. Шулай ук аңа кечкенә максатларга ирешергә, мәсәлән, җыелышта комментарийлар бирергә я күршеләргә һәм хезмәттәшләргә вәгазьләргә ярдәм ит. Йәһвә беркемне дә үзенә хезмәт итәргә мәҗбүр итми икәнен исеңдә тот. Аллаһыга үз тормышын багышларгамы, юкмы икәнен һәр кеше үзе сайлый (Кн 30:19, 20).

• Өйрәнүчең Аллаһыны шатландырсын өчен һәм суга чумдырылу үтәргә яраклы булсын өчен, аны кирәкле үзгәрешләр ясарга дәртләндер (Гс 27:11). Холкының кайбер яклары я гадәтләре кешедә тирән тамырланырга мөмкин, шуңа күрә өйрәнүчегә элекке шәхесеннән арыныр өчен һәм яңа шәхес булып киенер өчен дәвамлы ярдәм кирәк булырдыр (Эф 4:22—24). Аның белән «Изге Язмалар тормышны үзгәртә» дигән рубрикадан мәкаләләр карап чык.

• Аңа Йәһвәгә хезмәт итүдән кичергән шатлыгың турында сөйлә (Иш 48:17, 18).