Актив булмаган кардәшләргә ярдәм итегез

Сишәмбе, 11 апрель көнне актив булмаган күп кардәшләр Кичәгә киләчәк. Алар тормыш өчен йөгерештә катнашуларын башлаган булган, ләкин төрле сәбәпләр аркасында йөгерүләрен туктаткан (Ев 12:1). Бу сәбәпләрнең кайберсе «Йәһвәгә кире кайт» дигән брошюрада китерелә. Әмма Йәһвә өчен актив булмаганнар кадерле булып кала; ул аларны үз Улының каны аша үзенеке иткән (Рс 20:28; 1Пт 1:18, 19). Без аларга җыелышка кайтырга ничек ярдәм итә алабыз?

Көтүче көтүдән аерылып калган сарыкларны армый-талмый эзләгән кебек, җыелыш өлкәннәре дә актив булмаган кардәшләрне табарга һәм аларга ярдәм итәргә тырыша (Лк 15:4—7). Бу Йәһвәнең ярату тулы кайгыртуын чагылдыра (Ир 23:3, 4). Өлкәннәр генә түгел, безнең һәммәбез андыйларга ярдәм кулын суза ала. Аларга карата игелекле булырга һәм хәлләренә керергә тырышлыкларыбыз Йәһвәгә ошый һәм яхшы нәтиҗәләргә китерергә мөмкин (Гс 19:17; Рс 20:35). Шуңа күрә кемне дәртләндерә алганыгыз турында уйлагыз һәм кичектермичә эш итегез!

«АКТИВ БУЛМАГАН КАРДӘШЛӘРНЕ ДӘРТЛӘНДЕРӘБЕЗ» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Эбби үзе белмәгән кардәшне очраткач ни эшләгән?

• Актив булмаган кардәшкә ярдәм итәргә булсак, ни өчен өлкәннәргә мөрәҗәгать итәргә кирәк?

• Лора янына икенче тапкыр барыр алдыннан Эбби ничек әзерләнгән?

• Лорага ярдәм итәргә тырышканда Эбби ничек ныклык, түземлелек һәм ярату күрсәткән?

• Гайсәнең Лүк 15:8—10 да язылган мисалыннан нәрсәгә өйрәнеп була?

• Лорага ярдәм итәр өчен куелган уртак тырышлыклар нинди фатихалар китергән?