МӘСИХЧЕ ТОРМЫШЫБЫЗ
Шәкертләрне әзерләр өчен, вәгазьләргә һәм өйрәтергә кирәк
Гайсә безгә барырга һәм шәкертләрне әзерләргә кушкан (Мт 28:19). Моның өчен вәгазьләргә һәм кешеләрне өйрәтергә кирәк. Вакыт-вакыт без үз-үзебезгә мондый сорау бирергә тиеш: «Мин шәкертләрне әзерләү эшенең бу мөһим якларын ничек яхшырак үти алам?»
ВӘГАЗЬЛӘҮ
Кешеләр үзләре безгә килер дип көтәр урынына, без үзебез «лаеклы булганнарны» ашкынып эзлибез (Мт 10:11). Вәгазьдә катнашканда, без «очраган кешеләр» белән сөйләшер өчен һәр мөмкинлекне кулланабызмы? (Рс 17:17) Паул тырыш вәгазьче булганга күрә, Лидия Гайсәнең шәкерте булып киткән (Рс 16:13—15).
«Орлыгыңны иртән дә чәч, кичен дә кулыңа ял бирмә» (Вг 11:6)
«„ӨЗЛЕКСЕЗ“ ВӘГАЗЬЛӘГЕЗ. ОЧРАКЛЫ ВӘГАЗЬ ҺӘМ ӨЙДӘН ӨЙГӘ» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:
Сэмьюэл, көндәлек эшләре белән шөгыльләнгәндә, хакыйкать орлыкларын чәчәр өчен мөмкинлекләрне эзләвен ничек күрсәткән?
Ни өчен, авырлыклар булуына карамастан, вәгазьнең һәрбер төрендә бирешмәскә мөһим?
Көндәлек эшләр белән шөгыльләнгәндә, сез кемгә Патшалык хәбәрен сөйли аласыз?
ӨЙРӘТҮ
Шәкертләр булдырыр өчен, кешеләргә басмаларны калдыру гына аз. Кешеләр рухи яктан үссен өчен, без аларга кабат килеп китәргә һәм алар белән өйрәнүләр үткәрергә тиеш (1Кр 3:6—9). Ләкин кемнедер хакыйкатькә өйрәткәндә куйган тырышлыкларыбыз әллә ни зур нәтиҗәләргә китермәсә, нәрсә эшләргә? (Мт 13:19—22) Без «яхшы җиргә» охшаш йөрәкле кешеләрне эзләвебезне дәвам итәргә тиеш (Мт 13:23; Рс 13:48).
«Мин утырттым, Аполлос су сипте, әмма үстерүен Аллаһы үстереп торды» (1Кр 3:6)
«„ӨЗЛЕКСЕЗ“ ВӘГАЗЬЛӘГЕЗ. ШӘКЕРТЛӘР БУЛДЫРУ» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:
Ни өчен кызыксынган кешеләрнең йөрәкләренә чәчелгән орлыкларга «су сибү» мөһим?
Хезмәтнең төрле төрләрендә катнашканда, нинди максатны истә тоту мөһим?
Без башкаларны Изге Язмалардагы хакыйкатьләргә өйрәтүгә ничек күбрәк игътибар бирә алабыз?