Сөйләшү планнарын ничек кулланырга?

2018 елның гыйнвар аенда «Мәсихче тормышыбыз һәм хезмәтебез» эш дәфтәрендә сөйләшү планнары чыга башлады. Аларны ничек кулланып була?

Уку йөкләмәсен үтәгәндә. Сөйләшү планнарыннан сорауны, шигырьне һәм кабат килеп китәр өчен сорауны кулланыгыз. Ләкин нәкъ видеороликларда кулланылган сүзләрне кабатлыйсы юк. Сез сөйләшү планнарын башка ситуациядә, башка кереш сүзләр әйтеп һәм фикер алышуны башкача алып барып, куллана аласыз. Сез шулай ук Өйрәтү коралларыбыздан төрле басмаларны тәкъдим итә аласыз (бу басмалар күрсәтмәләрдә искә алынмаса да).

Вәгазьләгәндә. Сөйләшү планнарыннан яхшы идеяләрне алып була. Кеше эчкерсез кызыксынса һәм күбрәк белергә теләсә, сез, бәлки, шунда ук икенче сөйләшүнең планын кулланырсыз. Сөйләшү планын үзгәртеп я нәрсәдер өстәп була. Я бөтенләй башка сөйләшү планын кулланып була. Бәлки, үткән айның темасы я шигырь территориягезгә яхшырак туры киләдер. Сез яшәгән урында кешеләрне җирле вакыйгалар һәм яңалыклар кызыксындырамы? Сөйләшү планнарын ничек кенә куллансак, максатыбыз — «барысын яхшы хәбәр хакына һәм аны бүтән кешеләргә җиткерер өчен башкару» (1Кр 9:22, 23).