Сез үз вакытыгызны һәм көчегезне корбан итә аласызмы?

Ишагыя алдан әйткәнчә, без Йәһвә оешмасының җирдәге өлешендә беркайчан булмаган үсешне күзәтәбез (Иш 54:2). Шуңа күрә яңа Патшалык Заллары, Конгресслар заллары һәм филиал биналарына ихтыяҗ үсә. Төзелгәннән соң вакыт узгач, бу биналарны ремонтларга, ә кайберләрен яңартырга кирәк. Бу Йәһвәгә вакытыбызны һәм көчебезне корбан итәр өчен нинди мөмкинлекләр ача?

• Без вәгазь төркемебез белән Патшалык Залын җыештыруда катнаша алабыз

• Патшалык Залын тиешле хәлдә саклар өчен өйрәтү ала алабыз

• Без «Заявление на служение добровольцем МПСО» (DC-50) дигән анкетаны тутырып, вакыт-вакыт яшәгән җиребездән ерак булмаган төзелеш һәм ремонт проектларында катнаша алабыз

• Без «Заявление на временное добровольное служение» (A-19) дигән анкетаны тутырып, бер атна я күбрәк вакытны Бәйтелдә я филиалның башка биналарында булыша алабыз

«АЛДА ЯҢА ТӨЗЕЛЕШ ПРОЕКТЫ (ӨЗЕК)» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• 2014 елдан бирле видеоларның күләме никадәр үскән?

• Видео җитештерү эше киңәйгәнгә, нинди проект планлаштырылган? Бу проект кайчан башланыр һәм кайчан тәмамланыр?

• Бу проектта ирекле хезмәтчеләр ничек ярдәм итә ала?

• Кушма Штатлар филиалы территориясендә яшәүче кардәшләр Рамапода төзелештә ярдәм итәргә теләсә, ни өчен аларга башта анкетаны (DC-50) тутырырга һәм җирле проектларда катнашырга кирәк?

• Йәһвәнең бу проект белән җитәкчелек итүенә нинди дәллиләр бар?

• Бу проектта үзебез катнаша алмасак та, без ничек ярдәм итә алабыз?