Өйрәнү вакытында тапкан энҗеләр белән бүлешегез

Аллаһы Сүзен өйрәнү безгә күп файда китерә. Ә әгәр өйрәнү вакытында тапкан энҗеләрне башкаларга сөйләсәк, файдасы тагы да күбрәк булыр. Гыйбрәтле сүзләр 11:25 тә әйтелгәнчә, «башкаларны ныгытучы үзе дә ныгытылыр».

Өйрәнү вакытында тапкан фикерләрне башкаларга сөйләсәк, без аларны яхшырак аңлый башларбыз һәм яхшырак истә дә калдырырбыз. Моннан тыш, без башкаларны ныгытудан килгән шатлык сизәрбез (Рәс. 20:35).

Киңәш. Якын арада өйрәнү вакытында тапкан рухи энҗеләрегезне берәрсенә сөйләргә тырышыгыз, мәсәлән берәр туганыгызга, кардәшкә, бергә эшләгән кешегә, сыйныфташыгызга, күршегезгә я хезмәттә очраткан берәр кешегә. Фикерләрегезне үз сүзләрегез белән, ачык һәм гади итеп белдерергә тырышыгыз.

Истә тотыгыз: максатыбыз — белемнәребез белән мактану түгел, ә башкаларны дәртләндерү (1 Көр. 8:1).