«JW телевидениесе» «безгә көч өсти һәм рухландырып җибәрә»

2014 елда «JW телевидениесе», ягъни Интернет телевидениебез үз тапшыруларын башлады, бөтен дөнья буенча аны миллионлаган кеше карый, ул көч өсти һәм рухландырып җибәрә. Әлегә телетапшыруларыбызны 90 нан артык телдә карап була. Мәсәлән, кайбер телетапшырулар эве, га һәм тви телләренә тәрҗемә ителгәнгә, аларны Бенинда, Кот-д-Ивуарда, Ганада һәм Тогода 130 000 артык вәгазьче карый алаa.

«Җитәкче совет әгъзаларын һәм аларның ярдәмчеләрен тыңлаганда, алар бүлмәмдә сөйләгәндәй тоела,— ди Ганада ире белән бергә район хезмәтендә катнашучы Агата.— Телевидениебез булмаса мин, җирнең ерак почмагында яшәүче ярлы кыз, андый хөрмәтне татый да алмас идем. Бу программалар мине бөтендөнья кардәшлегебезгә якынайта».

Замбиядән мондый хәбәр килгән: «Күп җыелышлар, акчалары күп булмаса да, телевидениебезне карар өчен көчләреннән килгәнне эшли. Мәсәлән, Мисако җыелышына программаларны карар өчен иң якындагы шәһәргә якынча 32 километр үтәргә кирәк. Ә яңгырлар яуганда, бу җирләрдә су ташкыннары күтәрелә һәм бару тагы да кыенрак булып китә». Ихтыяҗ буенча күчкән Саймон исемле бер хезмәттәш ярдәмче болай дип сөйли: «Ай саен җыелыштан берәрсе ике сәгать тирәсе җәяү барып төп юлга чыга. Аннан җәмәгать транспортына утырып берәр шәһәргә бара. Анда барып җиткәч тапшыруларны йөкли алган абый-кардәшләрне таба. Бер авылда яшәүче 70 яшьлек ир кешенең һәм аның ике улының Йәһвә Шаһитләренең очрашуларына килгәне булмаган, ләкин очрашуларда видеороликлар күрсәтелә икәнен ишеткәч, ул килергә булган. Шул ир кеше: „Аллаһы Тәгалә турында менә ничек күбрәк белеп була икән“,— ди».

Россиядән рәхмәт сүзләре тулы хат килгән. Анда менә нәрсә диелә: «Без „JW телевидениесе“н инде бер ел карыйбыз, телевидениебез безгә бик ошый. Беренче тапшыруны карагач, без кардәшлегебезнең өлеше булуын сиздек. Бу искитәрлек хис! Без — зур бердәм гаилә! Без Җитәкче советта хезмәт итүче кадерле кардәшләребезне күрергә бик шат. Алар безне рухи яктан үз вакытында тукландырырга чын күңелдән тырыша, алар шундый ачык йөзле. Без һәр тапшыруны түземсезлек белән көтәбез. Йәһвә Шаһитләре дип аталуыбызга тагы да күбрәк шатланабыз. Рәхмәт сезгә, кадерле кардәшләр! Без Йәһвә Аллаһыга һәм Гайсә Мәсихкә таң калырлык эшләре өчен рәхмәт сүзләрен тапшырабыз. Телевидениебез безгә көч өсти һәм рухландырып җибәрә!»

Германиядә яшәүче, сәламәтлекләре начар булган олы яшьтәге пар — Хорст белән Хельга болай дип язган: «„JW телевидениесе“ гаҗәеп. Гарип кардәшләребез турында тапшыруларны караганда иманыбыз аеруча ныгый. Аларга карап, сәламәтлек начар булса да, көчебездән килгәнне эшлисебез килә. Аякларын паралич суккан бер өлкән турында карагач, без бер мөһим сабак алдык: Йәһвәгә кыйммәтле нәрсәне һәркем бирә ала. Андый үрнәк алырлык кардәшләрне күргәндә, безнең Йәһвәгә рәхмәт белдерәсе һәм аларны фатихала дип үтенеп сорыйсы килә».

Англиядән Коди болай ди: «Рәсми сайтыбызны, „JW телевидениесе“н һәм Камил белән Сания турындагы мультфильмнарны булдырыр өчен сез күп тырышлыклар куясыз һәм күп вакытыгызны сарыф итәсез. Мең рәхмәтләр сезгә. Изге Язмаларны аңлаешлырак иткәнегез өчен дә рәхмәт. Мин сигез яшемдә суга чумдырылган идем. Үсә төшкәч, мин Патшалык Залларын төзү эшендә вакытлыча хезмәтче булып катнашырмын! Минем шулай ук Бәйтелдә хезмәт итәсем килә. Хәзер миңа тугыз яшь, әз генә көтәсе калды».

Англиядән сигез яшьлек Арабелла менә нәрсә язган: «Видеороликлар һәм йөкләмәләр өчен рәхмәт сезгә. Алар миңа Йәһвә турында белем бирә. Рәсми сайтыбызның йөкләмәләр битен кулланып, мин күңел ачарга һәм шул ук вакыт Йәһвә турында белем алырга өйрәнәм. Сез җырларны истә калырлык итәсез. Камил белән Сания турындагы видеолар да миңа файда китерә. Тырыш хезмәтегез өчен зур рәхмәт сезгә».