Төгәл һәм ышанычлы мәгълүмат

Лүк 1:3

МАКСАТ. Тыңлаучыларыңа дөрес нәтиҗәгә килергә булышыр өчен ышанычлы дәлилләр китер.

КИҢӘШЛӘР:

• Ышанычлы чыганаклар куллан. Аллаһы Сүзенә нигезләнеп өйрәт, мөмкин булганда, шигырьләрне Изге Язмаларның үзеннән укы. Фәнни мәгълүмат, яңалыклардан хәбәр, берәр очрак я башка дәлил китерергә булсаң, кулланган чыганакның ышанычлымы һәм мәгълүматның искермәгәнме икәнен тикшер.

• Чыганакны дөрес куллан. Шигырьләрне аңлатуың аларның контекстына, Изге Язмаларның тулаем хәбәренә һәм «ышанычлы һәм акыллы хезмәтченең» басмаларына туры килсен (Мат. 24:45). Дөньяви чыганаклардан мәгълүматны дөрес китер: мәгънәсен бозма һәм язучы күздә тоткан фикердән аерылып торган нәрсә әйтмә.

• Кешеләрне дәлилләр турында уйланырга дәртләндер. Изге Язмалар өзеген я берәр чыганактан мәгълүмат укыгач, тыңлаучыларга нәтиҗә ясарга булышыр өчен, аларга әдәпле сорау бир я мисал китер.