Omukama wa Isareri ow’Okubanza Kuhika ha Kutwarwa mu Bwiru omu Baburoni

Saulo akafooka mukama wa Isareri ow’okubanza. Baitu Yahwe akamwanga, nukwo kukoma Daudi kugaruka mukiikaro kye. Nitwega ebintu bingi ebirukukwata hali Daudi. Obu akaba akyali omusigazi, akarwana na Goliasi ayabaire musaija w’amaani muno. Hanyuma akairuka kuruga hali Omukama Saulo akaba amukwatirwe ihali lyamani. Hanyuma, Abigairi omukazi omurungi muno akamutanga kukora ekintu eky’obudomadoma.

Ekindi, nitwega ebintu bingi hali mutabani wa Daudi Sulemani ayagarukire omukiikaro kya Daudi nk’omukama wa Isareri. Abakama basatu aba Isareri ab’okubanza, buli omu akalema emyaka 40. Hanyuma y’okufa kwa Sulemani, Isareri ekacwebwamu obukama bw’emirundi ebiri, obw’omu matemba nobw’omu masirimuka.

Obukama obw’omu matemba bukaba bulimu enganda 10 bukahangaara emyaka 257 bukahwerekerezebwa Abaasura. Hanyuma y’emyaka 133, n’obukama bw’amasirimuka obw’enganda ibiri nabwo bukahwerekerezebwa. Mubwire obu Abaisareri nubwo batwaire omu bwiru omu Babironi. Ekicweka kya KANA nikitwara emyaka 510 ey’ebyafayo, mubwire obu hakabaho ebintu bingi ebirukutugarramu amaani.