Amasano N’oburogo Bibi

Setani n’agonza okole ebya masano. Abantu baingi bahayo ebihongwa hali abacwezi rundi emyoyo nukwo gibalinde kuruga hali akabi. Bakora kinu habw’okutina amani g’omu nsi ey’eby’omwoyo. Bajwara engisa n’ehirizi. Banywa rundi besiiga emibiri yabo “emibazi” eyibakutekereza ngu rine amani gamasano. Amaka gabo bagabyarra ebintu omu itaka. Abamu basereka ebintu ebimu omu maka gabu ngu nibisobora kubalinda. Abandi bakozesa emibazi y’amarogo nibatekereza ngu n’esobora kubayamba mu by’obusubuzi, ha isomero mu bigezo rundi mu kujumbira.

Ekikukirayo oburungi kukulinda kuruga hali Setani nikwo kuba na Yahwe nka mu-nywani wawe. Yahwe Ruhanga n’abamalaika be bamani muno okukira Setani na masitani ge. (Yakobo 2:19; Okusuku’rwa 12:9) Yahwe aine omuhimbo gwamani okukozesa amani ge okuyamba banywani be​—abo aboleka ngu besigwa mali hali we.​—2 Ebyomubusinge 16:9.

Ekigambo kya Ruhanga kigamba ngu: “Otaliragura.” Yahwe najumirra okuragura hamu n’okuroga habwokuba ebikorwa binu bita omuntu hansi y’obusobozi bwa Setani Diabolo.​—Ebyabalevi 19:26.