Ensi Empyaka Okusigikirra Ha Mirago Ya Ruhanga
BAIBULI Ekigambo kya Ruhanga ekyahandikirwe, kituha okunihira obu kigamba ngu: “Baitu nk’omurago gwe okuguli itwe ntutegereza iguru erihyaka n’ensi empyaka nambere haikara okuhikirra.”—2 Petero 3:13.
“Iguru erihyaka” nikyo kiki? Baibuli ekwataganiza iguru hamu n’obulemi. (Engeso 7:49) “Iguru erihyaka” nubwo obulemi obuhyaka oburalema ensi yoona. Buhyaka, habwokuba nubwo burukwija kugaruka omu mwanya gw’obutegeki oburoho hati obw’abantu; kandi nayo ntekaniza empyaka mukuhikiriza ekigendererwa kya Ruhanga. Nubwo Obukama obu Yesu yayegeseze nti tusabege bwije. (Matayo 6:10) Habwokuba Ruhanga nuwe nsuro yabwo, kandi uwe aikara omu iguru nahabwekyo nikyo bwetebwa “obukama obwomu iguru.”—Matayo 7:21.
“Ensi empyaka” nikyo kiki? Tikirukumanyisa kuhanga ensi empyaka, habwokuba Baibuli n’egamba ngu ensi erikarwamu abantu ebiro byoona. “Ensi empyaka” nikyo kitebe ky’abantu ekihyaka. Kiraba kihyaka mumulingo ngu ababi boona baliba bamazirwemu. (Enfumo 2:21, 22) Abo boona abaliba bomezi baliha ekitinisa n’okuhurra Omuhangi n’okukuratira ebiragiro bye. (Zabuli 22:27) Abantu ab’omunsi zoona nibatangirirwa okwega ebi arukutwetagisa n’okubikorraho mu bwomezi bwabu hati. Kinu nikyo orukukora?
Munsi empyaka eya Ruhanga buli muntu alyorobera obulemi bwe. Okugonza Ruhanga nikukuleteera kworobera ebiragiro bye? (1 Yohana 5:3) Kinu nikyeyoleka omu maka gawe, ha mulimu, rundi ha’isomero n’omulingo ogw’orukukozesamu obwomezi bwawe?
Munsi egi empyaka abantu boona baliba bumu omukuramya kwa Ruhanga ow’amazima. Oramya Omuhangi ow’iguru n’ensi? Okuramya kwawe mali nikukuteraniza hamu n’abaramya Ruhanga abandi kuruga munsi zoona, enganda n’endimi?—Zabuli 86:9, 10; Isaya 2:2-4; Zefaniya 3:9.
[Akasanduuko akali ha rupapura 17]
Ruhanga Ayaraganize Ebintu Binu
Nuwe Ayahangire iguru erirukurorwa n’ensi eiturumu. Uwe Yesu Kristo akamugambaho nka “Ruhanga omu owamananu.”—Yohana 17:3.
Abantu abarukukira obwingi nibaramya baruhanga babu ababekolire. Obukaikuru n’obukaikuru baramya ebisisani ebitaine obwomezi. Abandi nibahaisaniza ebitebe by’abantu, itungo, obufirosofo, rundi okwegomba kwabu okw’omubiri. Naabo abegamba ngu nibakozesa Baibuli tibali boona abaha ekitinisa ibara ly’ogu Baibuli eyoleka ngu nuwe “Ruhanga owamananu.”—Ekyebiragiro 4:35.
Haliwe wenka, Omuhangi nayegambaho ngu: “Ninyowe Yahwe; niryo ibara lyange.” (Isaya 42:5, 8) Ibara linu nirisangwamu emirundi nka 7,000 omu Baibuli ez’endimi eza kara. Yesu akegesa abakurasibe okusaba: “Isitwe ali omu iguru, ibara lyawe dyezibwe.”—Matayo 6:9.
Ruhanga aine miringo ki? Nayesoborra okuba “aganyira kandi ow’embabazi, aikaraho akutabihirwa, asagire eby’okuganyira n’amazima” kandi atalihaho omusango na kake hali agu anyinagwo najunana abo abahenda ebiragiro bye.” (Okuruga 34:6, 7) Omulingo ogu yakoragaine n’abantu mu byafayo nigugumya amazima ga kinu.
Byombi ibara n’omuntu arukukikirirwa ibara linu biina okwezebwa. Nk’omuhangi n’omulemi wensi yoona, asemerire kuhulirwa n’okuramibwa. Binu byoona obimuha?
[Akasanduuko/Eisisani ekiri ha rupapura 18]
Mpindahinduka Ki Eziriretebwa “Iguru Erihyaka n’Ensi Empyaka”?
Ensi erihindurwa ekafoka Orugonjo rwa Ruhanga Luka 23:43
Abantu kuruga omu mahanga goona, Yohana 13:35
enganda, n’endimi bali bumu Okusuku’rwa 7:3, 4
mukugonzangana
Obusinge munsi yoona, n’eby’okwerinda ha buli omu Zabuli 37:10, 11;
Mika 4:3, 4
Emirimu emirungi, n’ebyokulya ebingi Isaya 25:6; 65:17, 21-23
Oburwaire, enaku, okufa byoona bihoireho Isaya 25:8;
Okusuku’rwa 21:1, 4
Ensi yoona eri bumu mu kuramya Okusuku’rwa 15:3, 4
Ruhanga ow’amananu
[Akasanduuko/Ebisisani ebiri ha rupapura 19]
Iwe Orabigasirwamu?
Ruhanga tasobora kubiiha!—Tito 1:2.
Yahwe nagamba: “Nukwo kiriba kiti ekigambo kyange . . . tikirigarukira busa namberendi baitu kirikora eki ekindukugonza, kandi kiribona omugisa omweki ekinkitumira.”—Isaya 55:11.
Yahwe amazire ira kuhanga “Iguru erihyaka n’ensi empyaka.” Obulemi bwe obw’omu iguru buliyo nibukora. Omusingi ‘gw’ensi empyaka’ gumazire ira kutekebwaho.
Hanyuma y’okugamba ha birungi by’amaani ebiriretwa “iguru erihyaka n’ensi empyaka” hali abantu, Okusuku’rwa kujuliza Ruhanga wenka, omulemi w’ensi zoona nagamba: “Dora! ninfoora byoona ebihyaka.” Yagamba ati: “Handika, baitu ebigambo binu by’okwesiga, by’amazima.”—Okusuku’rwa 21:1, 5.
Ekikaguzo eky’amaani kiri nti, itwe tukozireho empindukahinduka ezirukwetagisa okwoleka ngu tusemerire kuba abamu ‘ab’omunsi empyaka’ hansi ‘y’iguru erihyaka’?