Obwomeezi Obubukugumanganira

Nk’ekyokurorraho, omukazi arukwetwa Sallya kuruga omu ihanga lya Amerika ayaferiirwe ebintu bye omu ihunga ery’amaani n’asoborra ati: “Nkahurra nyetuntwire muno. Nkamara ebiro biingi ninyehurra ntakyasobora kugumira ekizibu kindi kyona.”

Ekizibu ekindi eky’amaani nukwo kufeerwa omuntu ow’orukugonza. Omukazi arukwetwa Janice kuruga omu ihanga lya Australia nagamba ati: “Obunaferiirwe batabani bange babiri, nkehurra nyena nyatikire kandi hanyuma nkatandika kusorooza obucweka bwange bwona. Nkesengereza Ruhanga namugambira nti: ‘Caali, ndeka nfe, habwokuba omutima gwange tigukyasobora kugumira ekintu ekindi kyona’”

Kandi uwe omusaija arukwetwa Daniel, kikamuhinguranaho mukazi we obuyalemerwe kuliinda obwesigwa omu buswere bwabo. Nasoborra ngu: “Mukazi wange obuyangambiire ngu akaba asiihaine, nkehurra nk’owacumisirwe omuhyo ha mutima. Obusaasi bunu bwaikaraga nibungarukira buli kaire kumara ameezi maingi.”

Magaziini enu niija kubazaaho ensonga habwaki obwomeezi bwine omugaso n’obukiraaba ngu

• Ohikirweho ebigwererezi

• Oferiirwe omuntu wawe ow’orukugonza muno

• Ow’oli nauwe omu buswere alemerwe kulinda obwesigwa

• Oine oburwaire obw’amaani

• Obwomeezi bukutamire

Katubanze twetegereze, kiki ekisobora kutukonyera kugumiisiriza kakuba tuhikwaho ebigwererezi?