Kozesa Wegondeze omu Bwomeezi Ebiro n’Ebiro! Kwombeka Okwikiriza Omuli Yahwe na Yesu

Kusobora kusemeza Ruhanga, abeegi ba Baibuli basemeriire kwombeka okwikiriza okugumire. (Baheb 11:6) Nitusobora kubankonyera kukora kinu nitukozesa ekitabu Wegondeze omu Bwomeezi Ebiro n’Ebiro! Ekitabu kinu kirumu ebyahandiikirwe ebikuru, ensonga eziihirweyo kurungi, ebikaguzo ebiraleetera omwegi kuteekereza, vidiyo ezirukwekambisa hamu n’ebisisani ebirungi. Obutukonyera abeegi kukurakuraniza emiringo ey’Ekikristaayo n’okutunga enkoragana enungi na Ruhanga, tuba nitwombekesa ebintu ebitarukwokebwa omurro.​—1Kol 3:12-15.

Abantu abamu kibagumira kwikiriza ngu nibasobora kuba banywani ba Ruhanga oubatarukurora. Nahabweki tusemeriire kubakonyera kumanya Yahwe n’okumwesiga.

MUROLE VIDIYO YOMBEKA OKWIKIRIZA OMULI YAHWE, N’OKOZESA “WEGONDEZE OMU BWOMEEZI EBIRO N’EBIRO!” HANYUMA MUGARUKEMU EBIKAGUZO BINU:

• Nitukimanya tuta ngu munyaanya itwe atekaniize kurungi atakagenzere kwegesa omwegi?

• Akozeseze ata ebikaguzo ebindi kukonyera omwegi kubazaaho omulingo aruhwehurra ha Isaya 41:10, 13?

• Vidiyo hamu n’enkarra zinu bikwasireho bita omwegi?

Abantu baingi tibetegereza ekicunguro, rundi tibakirora nk’ekisembo kuruga hali Ruhanga. (Bag 2:20) Nahabweki tusemeriire kubakonyera kwombeka okwikiriza omu kicunguro.

MUROLE VIDIYO YOMBEKA OKWIKIRIZA OMULI YESU, N’OKOZESA “WEGONDEZE OMU BWOMEEZI EBIRO N’EBIRO!” HANYUMA MUGARUKEMU EBIKAGUZO BINU:

• Nitukimanya tuta ngu ow’oruganda atekaniize kurungi atakagenzere kwegesa omwegi?

• Akozeseze ata ebiri omu kicweka “Seruliiriza” kukonyera omwegi?

• Habwaki kikuru kusabira omwegi?