Gasirwa Kuraba omu Kusoma Ebyahandiikirwe Ebiri omu Mbaju Rundi Hagati ya Baibuli

Ebyahandiikirwe binu ebiri omu New World Translation of the Holy Scriptures byoleka ngu ebicweka bya Baibuli ebirukwahukana nibikiraniza kuraba omu kwoleka ebyahandiikirwe ebindi ebirukubazaaho ensonga niyo emu, rundi kusoborra ebirukukiraho. Kusobora kutunga ebyahandiikirwe binu, rora enyuguta entaito eziri ha kumalirra kw’ekigambo. Omu Baibuli ezitiirwe ha mpapura, enyuguta zinu ziri hagati rundi ha rubaju rw’orupapura. Obu oraaba nookozesa omukura gwa jw.org rundi JW Library^® app, miga ha nyuguta kusobora kurora ebyahandiikirwe ebindi.

Ebyahandiikirwe ebiri omu mbaju rundi hagati ya Baibuli nibisobora kukutwara ha kimu ha bintu binu:

Ebyahandiikirwe ebirukubazaaho ekintu nikyo kimu: Ebyahandiikirwe binu nibikutwara omu bitabu bya Baibuli ebindi ebirukubazaaho ekintu nikyo kimu. Ekyokurorraho, rora 2 Samuiri 24:1 na 1 Ekyebyomubusinge 21:1.

Ebijuliziibwe: Ebyahandiikirwe binu byoleka nambere ebigambo rundi ekigambo kiihirwe. Ekyokurorraho, rora Matayo 4:4 na Ekyebiragiro 8:3.

Obunabbi obuhikiriziibwe: Byoleka ebyahandiikirwe ebirukubazaaho obunabbi hamu n’ebi ebirukubazaaho omulingo bwahikiriziibwe. Ekyokurorraho, rora Matayo 21:5 na Zekaliya 9:9.