Tunga Amagezi Agarakukonyera omu Bwomeezi Bwawe Obwa Buli Kiro ha JW.ORG

Ekigambo kya Ruhanga kirumu buli kimu kyona ekiturukwetaaga kusobora kugumira ebirengo omu biro binu ebya ha mpero ebigumangaine. (2Tim 3:1, 16, 17) Baitu nabwo, obwire obumu nitusobora kwetaaga obukonyezi kutunga emisingi ya Baibuli ey’eratukonyera ha nyikara eiturukuba niturabamu. Ekyokurorraho, oli muzaire arukuserra obuhabuzi oburakukonyera kukuza abaana? Oli nsingaanto ow’arukuraba omu bintu ebirukulenga okwikiriza kwawe? N’oganya habw’okufeerwa ow’obaire nauwe omu buswere? Ha jw.org, noija kusangaho ebintu ebirakukonyera kutunga emisingi ya Baibuli ey’erakukonyera kuraba omu nyikara nka zinu n’ezindi.​—Nfu 2:3-6.

Omu Rungereeza, ha jw.org ahokutandikira, genda ha kicweka BIBLE TEACHINGS. (Rora ekisisani 1.) Hanyuma okomemu omutwe ogworukugonza. Rundi genda ha LIBRARY > ARTICLE SERIES kandi okomemu omutwe ogworukugonza. (Rora ekisisani 2.) N’osobora kusanga ebintu nibyo bimu ha JW Library^®.a N’osobora kwegondeza omu kusomaho ebicweka binu n’okozesa endagirro zinu. Omulingo ogundi nugwo ogw’okutunga omutwe gwonyini obu n’okozesa akasanduuko ak’okuserra ha jw.org.

Handiika amasomo ganu omu kasanduuko ak’okuserra, kandi okomemu ebicweka ebiwakugondeze kusomaho.

• Kukuza abaana

• Kwenuuba omu nsingaanto

• Kufeerwa ow’oli nauwe omu buswere