Kozesa jw.org omu Buheereza Bwawe—“Ba Munywani Wa Yahwe.”

Ekicweka kya “Bible Teachings” ekiri ha jw.org kirumu ekicweka ekindi eky’abaana ekirukwetwa “Become Jehovah’s Friend.” Ekicweka kinu kirumu ebizina, vidiyo n’eby’okukora ebindi eby’abaana. Olengereho kukikozeseza omu buheereza? Obworaaba oine omwegi aine abaana abato, habwaki otakimwoleka? Kisobora kumusikiriza kwekebeija n’ebicweka ebindi ebiri ha mukura gwaitu.

Ow’oruganda obu yali n’agaba turakiti Obukama bwa Ruhanga Nikyo Ki, akasanga omukazi. Obu yagimuhaire, atandikiraho kugisoma. Akaba aine abaana abaali nibagonza kumanya ebyali omu kapapura ako. Ow’oruganda akamusoborra omu bugufu ebiri omu turakiti, hanyuma y’amwoleka endagiirro eziri enyuma ya turakiti. Habwokuba Omukazi akooleka ngu n’agonza kumanya ebirukukiraho akabateraho emu ha vidiyo za Kalebu n’akozesa esimu ye.

Munyanya itwe omu akagambiraho mukozi mugenzi we aine abaana ha mukura gwaitu n’amagezi amarungi agarukusobora kukoonyera amaka agaroho. Omukazi hamu n’abaana be, bakagenda ha mukura gwaitu. Hanyuma omukazi akagambira munyanya itwe ngu abaana be bayetoororaga omu nju nibazina ekizina “Preach the Word,” ekimu ha bizina ebiri omu kicweka “Become Jehovah’s Friend.”

Manya ebiri omu kicweka kinu kandi oiheho vidiyo, ebizina, rundi eby’okukora ebindi eby’abaana obiteeke ha simu yaawe. Kiija kukwanguhira kukozesa ekicweka kinu omu buheereza bwawe. Omukura gumu ha bintu ebisobora kutukoonyera okukoorra Mukama!—Eng. 20:19.