Yesu “Akeega Kuba Muhulizi”

Yesu aikaire ali muhulizi hali Yahwe. (Yoh. 8:29) Hati, habwaki Baibuli egamba ngu: “Akeega kuba muhulizi habw’okubonabona oku yarabiremu”?—Baheb. 5:8.

Yesu obu akaba ali omu nsi, akahikwaho enyikara ezikaba zitakamuhikahoga obu akaba ali omu iguru. Ekyokurorraho akakuzibwa abazaire abakaba nibagonza Yahwe baitu abakaba batahikiriire. (Luk. 2:51) Akabonabona habw’abebembezi b’amadiini hamu n’ab’obusobozi kuruga omu gavumenti abakaba nibamutwaza kubi. (Mat. 26:59; Mar. 15:15) Ekindi, “akeebundaaza wenka kandi yafooka muhulizi kuhika ha kufa,” omu mulingo gw’obusaasi.—Baf. 2:8.

Ebintu binu Yesu ebi yarabiremu, bikamwegesa obuhulizi omu mulingo omuhyaka, habwokuba bikaba bitakamuhikahoga obu akaba ali omu iguru. Egi niyo ensonga habwaki ali Omukama kandi Nyakatagara Omukuru omurungi, ow’arukwetegereza kurungi enyikara eziturukurabamu. (Baheb. 4:15; 5:9) Yesu akeeyongera kufooka w’omuhendo muno hali Yahwe kandi w’omugaso hanyuma y’okwega obuhulizi habw’okubonabona oku yarabiremu. Na itwe nitusobora kweyongera kufooka b’omuhendo hali Yahwe kandi tube b’omugaso omu bujunaanizibwa bwona obu araatuha obu turaikara tuli bahulizi n’omu nyikara ezigumangaine.—Yak. 1:4.