Ebintu Ebiraakukoonyera Kwikara Noosoma Baibuli Buli Kiro

Habw’okuba n’ebintu bingi eby’okukora, obwire obumu kikugumira kusoma Baibuli buli kiro? (Yos. 1:8) Obu kiraaba nukwo kiri, lengaho amagezi ganu:

• Weteereho ekintu ekiraakwijukya buli kiro. Teekamu alamu omu simu yaawe ey’erakwijukya kusoma Baibuli buli kiro.

• Ikaza Baibuli omu kiikaro nambere osobora kwanguha kugirora. Obu oraaba okozesa Baibuli ey’etiirwe ha mpapura, giteeke omu kiikaro nambere osobora kwanguha kugirora buli kiro.—Bir. 11:18.

• Huliiriza Baibuli ey’ekwasirwe omu maraka. Noosobora kuhuliiriza obu orukuba nookora emirimo yaawe eya buli kiro. Munyaanya Itwe Tara, ow’ali payoniya, maama, kandi ow’akora omu bwire bw’ekiro, naagamba ati, “Kuhuliiriza Baibuli ey’ekwasirwe omu maraka obu mba ninkora emirimo yange y’omuka, kinkoonyera kwikazaaho enteekaniza yange ey’okusoma Baibuli buli kiro.”

• Ikara noolengaho. Kakuba enyikara ezi obaire otarukunihira zikulemesa kusoma Baibuli omu bwire obu okira kugisomeramu, lengaho kusoma enkarra nke otakabyamire. Noobu oraasoma enkarra nke buli kiro, noija kugasirwa.—1 Pet. 2:2.