Ebirumu

Bintu bingaha ebi wakaraganiza Yahwe? Omulingo orukurora, nokora kyona ekirukusoboka kurora wabihikiriza? Kandi okweraga kwawe oku wakozere noyehayo hali Yahwe rundi n’otaaha obuswere? Ekicweka kinu nikiija kutukonyera kurora omulingo tusobora kwegera ha kyokurorraho kya Yefuta na Hana abakozere kyona ekirukusoboka kuhikiriza ebi baraganiize Yahwe. Kinu nikiija kutukonyera naitwe kuhikiriza ebituraganiza Yahwe.

Obwire oburukukira obwingi, tutekereza ha bintu Yahwe arukwija kutuha obu tulitaaha ensi empyaka. Baitu obu turaaba nitwega ekicweka kinu, nitwija kurora ebizibu bbina ebirihwaho ebi Yahwe alimaraho nukwo aleete ensi empyaka erumu obusinge n’okusemererwa. Ebi turabazaaho nibiija kwombeka okwikiriza kwaitu kandi bitwongere amaani g’okugumisiriza.

Kakuba turora rundi tuhikwaho obutali bwinganiza, okwikiriza kwaitu, obwebundaazi bwaitu, n’obwesigwa bwaitu nibisobora kulengwa. Ebicweka binu nibiija kubazaaho eby’okurorraho bisatu eby’omu Baibuli ebisobora kutukonyera kurora obwinganiza nk’oku Yahwe aburora.

Nobukiraaba ngu busaho kintu kyona Yahwe eky’arukwetaga hali itwe, asemererwa obw’arora nitukora kyona ekirukusoboka kusagika obulemi bwe. Nitwija kurora omulingo esuura ya 4 n’eya 5 ey’ekitabu Ekyabacwi zirukwoleka ngu Yahwe asemererwa obu tumuhereza kandi tukahondera oburagirizi bwe twegondiize.