Ebirumu

Okumanya tikusobora kutugasira kakuba tuba tutataire omu nkora ebitumanyire. Baitu nikitwetagisa kuba bebundaazi tukateka omu nkora ebiturukwega. Ekicweka kinu nikiija kutukonyera kwikara tuli bebundaazi obu nikitwoleka omulingo tusobora kwegera ha byokurorraho ebiri omu Baibuli eby’abantu abatebiize abantu ababuli mulingo, basabira abandi kandi balindirra Yahwe kugira ekiyakoraho.

Obwire obuturumu bugumire muno, kandi nikyanguha kuhurra tuhoirwemu amaani n’okunihira, Yahwe na Yesu nibaija kutukonyera. Baitu naitwe twine obujunanizibwa bw’okugumyangana n’okugarramungana amaani. Ekicweka kinu nikitwegesa omulingo tusobora kukozesa okugonza kwombekangana.

Yahwe ali “Ruhanga anyakusemeriirwe,” kandi nagonza abaheereza be nabo kuba n’okusemererwa. Baitu nitusobora tuta kuba n’okusemererwa kandi kunu twine ebizibu kandi nitwikara omu nsi ya Setani? Omu Kwegesa kwe okwa Harusozi, Yesu akatwegesa omulingo tusobora kutungamu okusemererwa omu kasumi kanu hamu n’omu kasumi ak’omu maiso.

Omu kasumi kanu, abantu baliyo nibeyongera kuba bantu abarukwefaaho boonka. Baitu Abakristaayo ab’amananu ubo nibahukanaho habw’okuba baine okugonza kwonyine hali abantu. Ogumu ha miringo bolekamu okugonza nukwo kwoleka ngu nibafaaho abandi. Omu bicweka binu bibiri, nitwija kurora omulingo Yahwe atufaaho itwena kandi nitwija kurora n’omulingo tusobora kumwegeraho.