Yesu Naija Kumaraho Obulemu

Yesu obu akaba ali omu nsi, akooleka abantu okugonza okw’amaani kuhika ha rulengo orw’okuhayo obwomeezi bwe habwabo. (Matayo 20:28; Yohana 15:13) Omu kasumi akatali ka hara, naija kwoleka okugonza kwe hali abantu kuraba omu kukozesa obusobozi bwe nk’Omukama w’Obukama bwa Ruhanga obu “[naamaraho] obulemu okuhika ha mpero zensi.”—Zabuli 46:9.

Rora omulingo Baibuli ebazaaho Yesu eki alikora:

• “Baitu alijuna omunaku obwakunga; Nomuseege atanyina mukonyezi. Aliganyira abasege nabanaku, nobwomezi bwabanaku alibujuna. Alicungura obwomezi bwabu omu kwenderezebwa nitima.”—Zabuli 72:12-14.

Nitusobora tuta kwoleka okusiima habw’ebi byona Yesu ebi atukoliire n’ebi alitukorra? Gumu ha miringo nukwo kumanya ebirukukiraho ebirukukwata hali “amakuru amarungi ag’Obukama,” Yesu aga yatebiize. (Luka 4:43) Soma ekicweka “Obukama bwa Ruhanga Nikyo Kiki?”