Nooha ow’Osobora Kwesiga?—Baibuli Ekibazaaho ki?

Abantu baingi bahwamu amaani obu barora abantu abesigwa nibaleka kuba besigwa. Baingi balekere kwesiga . . .

• ab’eby’obulemi abebembeza ebyabo bonka omu kiikaro ky’ebintu eby’abantu barukwebembera.

• emikura y’amakuru ey’eturukya amakuru agatali g’obwinganiza kandi agatahikire.

• abanyasayansi abatakora ebintu abantu ebi barukugonza.

• abebembezi b’amadiini abejumbira muno omu by’obulemi omu kiikaro ky’okukikirra Ruhanga.

Abantu bahikire kugurukyagurukya obu kirukuhika ha nooha oubasobora kwesiga. Baibuli egamba eti:

• “Mutesiga abebembezi; busaho muntu ow’asobora kubajuna.”—Zabuli 146:3, Good News Translation.

Omuntu ow’osobora kwesiga

 Baibuli eyoleka omuntu ow’osobora kwesiga: Yesu Kristo. Akaba atali muntu ayabaireho ebyasa bingi enyuma kyonka. Ruhanga akakoma Yesu ‘kulema nk’Omukama . . . , kandi Obukama bwe tibulihwaho.’ (Luka 1:32, 33) Yesu nuwe Omukama w’Obukama bwa Ruhanga, gavumenti hati ey’erukulema omu iguru.—Matayo 6:10.

• Kusobora kumanya ensonga habwaki noosobora kwesiga Yesu, soma ebicweka “Nooha Omukama w’Obukama bwa Ruhanga?” na “Obukama bwa Ruhanga Bulikora Ki?”