Yesu Alimaraho Obucwi bw’Ebiragiro

Yesu nayetegereza okubonabona okuruga omu bucwi bw’ebiragiro n’obutali bwinganiza. Bakamuhangirra, yaterwa ataine musango, yatwazibwa omu mulingo gutali gw’obwinganiza, yakwatwa ataine musango, kandi yaitwa omu mulingo gw’obusaasi. N’obu kiraaba ngu akaba ataine musango, akahayo “obwomezibwe okucungura baingi” ayegondiize. (Matayo 20:28; Yohana 15:13) Hati, nk’Omukama w’Obukama bwa Ruhanga, ali haihi kumaraho obutali bwinganiza omu nsi yoona, kandi amarreho kimu obucwi bw’ebiragiro.—Isaya 42:3.

Baibuli ebazaaho omulingo ensi erisisana hanyuma ya Yesu kutandika kulema:

• “Omubi alihera: Ego, olitekereza muno ekiikarokye, baitu talibaho. Baitu abaculezi baligwetwa ensi; Balikyanganuka obwobusinge obwingi.”—Zabuli 37:10, 11.

Nitusobora tuta kwoleka ngu nitusiima Yesu habw’ebi byona ebi atukoliire hamu n’ebi alitukorra? Gumu ha miringo nukwo kumanya ebirukukwata hali “amakuru amarungi ag’Obukama,” agayatebiize. (Luka 4:43) Soma ekicweka “Obukama bwa Ruhanga Nikyo Kiki?”