Obutabanguko omu by’Obulemi—Kiki Baibuli Eki Egamba?

Kasumi kanu, abakuru ba gavumenti beeyongiire kuhikwaho akabi.

Habwaki haroho obutabanguko bwingi omu by’obulemi? Nibwija kuhwaho? Kiki Baibuli eki egamba?

Kikarangwa ngu haakubaireho okwebaganizaamu omu by’obulemi

Baibuli ekaranga ngu omu kasumi kaitu, akarukumanywa ‘nk’ebiro ebya ha mpero,’ abantu baingi baakubaire n’engeso ezirukuleetaho okurwana n’okwebaganizaamu.

• “Omu biro ebya ha mpero halibaho obusumi obw’akabi kaingi kandi obugumangaine. Habwokuba abantu baliba . . . entasiima, abatali beesigwa, . . . abataikiraniza, . . . abaine ekiniga ekihinguraine, . . . abagobya, abagumangaine, ab’emyehembo.”—2 Timoseo 3:1-4.

Ekindi, Baibuli ekaranga ngu ebintu ebirukutalibaniza, nk’abantu kujeemera gavumenti hamu n’obutabanguko omu by’obulemi byakubaireho omu kasumi kanu akaturumu. (Luka 21:9, footnote) Baitu obutabanguko omu by’obulemi hamu n’okwebaganizaamu tibiriikaraho ebiro n’ebiro.

Empero ey’obutabanguko omu by’obulemi

Baibuli esoborra ngu Ruhanga naija kutaho gavumenti ye ey’omu iguru omu kiikaro kya gavumenti ez’abantu zoona.

• ‘Kandi Ruhanga ow’omu iguru aliimukya obukama . . . obulicwacwana nubumaraho obukama obundi bwona, kandi buligumaho ebiro n’ebiro.’—Danieri 2:44.

Obukama bwa Ruhanga bulireetera abantu boona kuba omu bumu kandi buleeteho obusinge omu nsi yoona.

• Omukama ow’Obukama obu kandi ogu nuwe Yesu Kristo, naayetwa “Mukuru Wobusinge,” kandi naija kukigumya ngu ‘obusinge tibulireka okweyongera.’—Isaaya 9:6, 7.

• N’omu kasumi kanu, abantu abali hansi y’Obukama bwe, nibeega omulingo basobora kwikara omu businge. Kandi ekirugiremu, Baibuli egamba ngu: “Balihesa busitama zabu enfuka, namacumu gabu ebisalizo: ihanga erimu tiririimukiza ihanga erindi busitama, kunu tibalyega obundi okurwana.”—Isaaya 2:3, 4.

Kumanya ebirukukiraho, soma ekicweka“Obukama bwa Ruhanga Bulikora Ki?” kandi orole vidiyo Obukama bwa Ruhanga Nikyo Kiki?