Isomo 4

Omuhangirizi Nuwe Oha?

Setani Omuhangirizi—akaruga nkaha? (1, 2)

Setani abuzabuza ata abantu? (3-7)

Habwaki oina kurwanisa Omuhangirizi? (7)

1. Ekigambo “omuhangirizi” kimanyisa omuntu abaza eby’ebisuba ha muntu ondi. “Setani” kimanyisa omunyanzigwa rundi omulemesa. Ebigambo binu bikozesebwa ha munyanzigwa wa Ruhanga omukuru. Okubanza akaba ali malaika ahikirire ali hamu na Ruhanga omu iguru. Kyonka, hanyuma ak’etekerezaho muno yayegondeza okuramibwa okwina kuba kwa Ruhanga.—Matayo 4:8-10.

2. Malaika onu, Setani, akabaza na Hawa nakozesa enjoka. Namugambira eby’ebisuba, akamuletera kujeemera Ruhanga. Omu mulingo gunu Setani akagaya ekyo ekyetwa “obulemi” bwa Ruhanga rundi ekikaro kye nkogu Ali Haiguru Muno. Setani akaletaho okugurukyagurukya Ruhanga kwo bwaraba alema omu mulingo ogusemerire kandi habw’oburungi bw’Abo ab’alema. Setani akaletaho okugurukyagurukya ngu hasobora kubaho omuntu kwo akugumira hali Ruhanga. Omukukora kinu Setani akefora omunyanzigwa wa Ruhanga. Bunu nubwo bulyo habwaki ayetwa Setani Omuhangirizi.—Okubanza 3:1-5; Yobu 1:8-11; Okusuku’rwa 12:9.

3. Setani alengaho kuhabisa abantu bamuramye. (2 Abakolinso 11:3, 14) Omulingo ogumu hali ahabisiza abantu niho omu madiini ag’ebisuba. Kakusangwa ediini eyegesa eby’ebisuba hali Ruhanga, mananu eba ehikirize ekigenderwa kya Setani. (Yohana 8:44) Abo abali omu madiini ag’ebisuba basobora kwikiriza nibakigumya ngu baramya Ruhanga ow’amananu. Baitu mananu baba nibahereza Setani. Nuwe ‘ruhanga ow’ensi enu.’—2 Abakolinso 4:4.

4. Eby’oburaguzi nigwo mulingo ogundi Setani hatekera abantu hansi y’obusobozi bwe. Basobora kusaba embandwa kubalinda, kurumya abandi, kuragura ebirabaho omu bwire bw’omu maiso rundi kukora eby’amahano. Setani nigo maani amabi agali enyuma y’ebikorwa binu byona. Kusemeza Ruhanga titusemerire kuba nankoragana yoona ne by’oburaguzi.—Ekyebiragiro 18:10-12; Engeso ezabakwenda 19:18, 19.

5. Kandi Setani ahabisa abantu naraba omu kwegondeza muno omurangi kandi n’okuramya entekaniza z’eby’obulemi. Abamu behu’ra ngu ihanga rundi erangi yabu nekira eyabandi. Kyonka kinu tikiri kyamananu. (Engeso ezabakwenda 10:34, 35) Abamu batunulire entekaniza z’eby’obulemi kumaraho ebizibu byabantu. Omukukora kinu, baba nibanga Obukama bwa Ruhanga. Nubwo bwonka oburamaraho ebizibu byaitu.—Danieri 2:44.

6. Omulingo ogundi Setani ogwa habisizaamu abantu nukwo okub’ohya n’okwegomba okubi. Yahwe atugamba twetantale ebikorwa ebibi habwokuba amanyire nibiija kuturumya. (Abagaratiya 6:7, 8) Abantu abamu basobora kwenda obeteranizeho omubikorwa nk’ebyo. Kyonka ijuka ngu ogu akwenda okole ebintu binu nuwe Setani.—1 Abakolinso 6:9, 10; 15:33.

7. Setani asobora kukozesa okuhiganizibwa rundi kuhakanizibwa akulekese Yahwe. Abamu habagonzebwa bawe basobora kubihirwa muno habw’okuba noyega Baibuli. Abandi basobora kukusekereza. Baitu oha ayakuhaire obwomezi obwoinabwo? Setani n’agonza kukutinisiriza olekere aho kwega ebikukwata hali Yahwe. Otaikiriza Setani kukusingura! (Matayo 10:34-39; 1 Petero 5:8, 9) Omukulemesa Omuhangirizi, osobora kusemeza Yahwe kandi noyoleka ngu nosemba obulemi Bwe.—Enfumo 27:11.

[Ebisisani ekiri ha rupapura 9]

Ediini y’ebisuba, eby’oburaguzi hamu n’okwenyumiriza mwihanga bibuzabuza abantu

[Ekisisani ekiri ha rupapura 9]

Lemesa Setani n’ogenda omu maiso n’okwega hali Yahwe