Isomo 5

Ekigendererwa kya Ruhanga Hali Ensi Nikyo Kiraha?

Habwaki Yahwe yahangire ensi? (1, 2)

Habwaki hati ensi etali rugonjo rwa Ruhanga? (3)

Kiki ekirihika habantu ababi? (4)

Omu bwire bw’omu maiso, kiki Yesu ekyalikorra abarwaire? abakaikwire? abafu? (5, 6)

Kusobora kutunga emigisa y’omu bwire bw’omu maiso, kikusemerire kukora ki? (7)

1. Yahwe akahanga ensi enu abantu basobole kusemerererwa kugikaramu ebiro n’ebiro. Akagonza ensi eikarwemuga abantu abahikirire kandi basemerirwe. (Zabuli 115:16; Isaya 45:18) Ensi terihwerekerezebwa; nija kubaho obusinge bwona.—Zabuli 104:5; Omugambizi 1:4.

2. Ruhanga atakakozere omuntu, Akakomamu akacweka kataito k’ensi yakafora orugonjo orurungi. Yaketa orugonjo Adeni. Munu nuho yateire omusaija n’omukazi ababandize, Adamu na Hawa. Ruhanga akagonza bazaale abaana baijuze ensi yoona. Mporampora bakufoire ensi yona orugonjo rwa Ruhanga.—Okubanza 1:28; 2:8, 15.

3. Adamu na Hawa bakasiisa obubacwire ekiragiro kya Ruhanga bakigendereire. Nukwo nu Yahwe yababinga omu rugonjo rwa Adeni. Orugonjo rwa Ruhanga baruferwa. (Okubanza 3:1-6, 23) Kyonka Yahwe atebwe kigendererwa kye hali ensi enu. Akunihiza kugifora orugonjo rwa Ruhanga, hali abantu baraikaraga obusinge bwona. Kinu arakikora ata?—Zabuli 37:29.

4. Ensi enu etakafoirwe rugonjo rwa Ruhanga, abantu ababi bakutekwa kwihibwamu. (Zabuli 37:38) Kinu kiribaho omu Hara-magedoni, nibwo obulemu bwa Ruhanga obw’okumaraho obubi. Ekirikurataho, Setani alibohwa kumara emyaka 1,000. Kinu nikimanyisa ngu tihalisigaraho babi kusisa ensi. Abantu ba Ruhanga bonka nibo balikiraho.—Okusuku’rwa 16:14, 16; 20:1-3.

5. Obwo Yesu Kristo alirema nka Omukama w’ensi enu kumara emyaka 1,000. (Okusuku’rwa 20:6) Mpora mpora alihaho ekibi kuruga omubitekerezo byaitu n’emibiri yaitu. Tulifoka abantu abahikirire nka Adamu na Hawa okubabaire batakasisire. Obwo hati tihalibaho burwaire, kukaikura n’okufa. Abarwaire balikizibwa, abakaikuru baligarurwa omubuto.—Yobu 33:25; Isaya 33:24; Okusuku’rwa 21:3, 4.

6. Omu bwire bwa Yesu obw’Okulema obw’Emyaka Rukumi abantu abesigwa balikora kufora ensi yoona orugonjo rwa Ruhanga. (Luka 23:43) Kandi obukaikuru bw’abantu ab’afire balihumburwa okwikara hansi. (Engeso ezabakwenda 24:15) Kakuba balikora ekyo Ruhanga ekyakubetaagisa, balyeyongera kwikara hansi obusinge bwona. Kakuba nangwa, balihwerekerezebwa obusinge bwona.—Yohana 5:28, 29; Okusuku’rwa 20:11-15.

7. Omu mulingo gunu ekigendererwa kya Ruhanga hali ensi kirihikiirra. Wakugondeze obe n’omugabo omu migisa enu ey’omubiro by’omu maiso? Obukiraba kiri kityo, n’oyetaaga kweyongera kwega hali Yahwe n’okworobera ebya kukwetagisa. Okubaho omu nsorrokano omu Kingdom Hall y’Abakaiso ba Yahwe enyakuli omukicweka kyawe kija kukukonyera kukora ekyo.—Isaya 11:9; Abaheburaniya 10:24, 25.

[Ekisisani ekiri ha rupapura 10]

Orugonjo rwa Ruhanga orutwaferirwe

[Ebisisani ebiri ha rupapura 11]

Hanyuma ya Hara-magedoni, ensi neija kuforwa orugonjo rwa Ruhanga