Kiki ekiraletera amaka kubamu okusemererwa?

BAIBULI EGAMBA

“Baina omugisa abarukuhu’ra ekigambo kya Ruhanga nibakikwata.”​—Luka 11:28.

BIGAMBO EBYO BIINA MAKURU KI?

Nibimanyisa ngu kuhondera amagezi ago kisobora kukonyera amaka gaanyu kubamu engonzi.​—Abefeso 5:​28, 29.

Okuherezangana ekitiinisa.​—Abefeso 5:33.

Obulinzi.​—Marako 10:​6-9.

MALI TUSOBORA KWIKIRIZA BAIBULI EKY’EGAMBA?

Tusobora, habw’ensonga ibiri:

• Ruhanga nuwe y’atandikireho amaka. Baibuli egamba ngu ‘enganda zoona ziiha ibara hali Yahwe Ruhanga.’ (Abefeso 3:​14, 15) Amaka garoho habwokuba Yahwe nuwe y’agatandikireho. Habwaki kikuru kumanya ngu Ruhanga nuwe y’atandikireho amaka?

  Tekereza hali kinu, kakusangwa olya ebyokulya ebirukunura muno okagonza kumanya omulingo bicumbirwemu, wakukagwize oha? Wakukagwize ogu abicumbire.

  Omu mulingo nugwo gumu, obuturaaba nitugonza kumanya ebirukusobora kuletera amaka kubamu okusemererwa, tusemerire kukaguza Yahwe, ayatandikireho amaka.​—⁠Okubanza 2:​18-24.

• Ruhanga atufaho. Amaka gasemerire kuserra obuhabuzi kuruga hali Ruhanga, obw’atuha kuraba omu Kigambo kye Baibuli. Habwaki? Habwokuba atufaho. (1 Petero 5:​6, 7) Ruhanga atugondeza ebirungi​—amagezi agatuha gatugasira.​—Enfumo 3:​5, 6; Isaya 48:​17, 18.