Mali abafu baligaruka kuba boomezi?

BAIBULI EGAMBA

“Halibaho okuhumbuka.”​—Engeso 24:15.

EBIGAMBO EBYO BIINA MAKURU KI?

Nibisobora kutuhumuza tuferirwe abagonzebwa baitu.​—2 Abakolinso 1:​3, 4.

Bitwihamu okutiina kufa.​—Abaheburaniya 2:15.

Bituleteera okunihira ngu tuligarukamu kurora abantu baitu abafiire.​—Yohana 5:​28, 29.

TUSOBORA MALI KWIKIRIZA BAIBULI EKY’EGAMBA?

Tusobora, habwensonga isatu:

• Ruhanga nuwe nsoro y’obwomezi. Omu Baibuli, Yahwe Ruhanga abazibwaho ‘nk’ensoro y’obwomezi.’ (Zabuli 36:9; Engeso 17:​24, 25) Nkoku nuwe yahangire ebintu byoona, nasobora kugaruka akaheereza omuntu afiire obwomezi.

• Ruhanga akahumbura abantu omu busumi bwa ira. Baibuli eyoleka ebyokurorraho by’emiringo munaana eby’abo abahumbwirwe kandi bayeyongera kuba bomezi omu nsi. Muli abo harumu abato, abakuru, abasaija n’abakazi. Abamu hali bo baali batakazikirwe baitu omu yali amazire ira ebiro bina afiire.​—Yohana 11:​39-44.

• Ruhanga aine ekihika ky’okuhumbura abafu. Ruhanga anobera kimu okufa; akutwara nk’omunyanzigwa. (1 Abakolinso 15:26) ‘Nagonza’ muno kumaraho omunyanzigwa ogu, okwihiraho kimu okufa naraba omu kuhumbuka. Aina ekihika ky’okuhumbura abarukwijuka, bongere baikale omu nsi.​—Yobu 14:​14, 15.